Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda eki basqarmaǵa jańa basshy taǵaıyndaldy

2021 jyldyń 2 naýryz 2021 17:07

PAVLODAR. QazAqparat - Pavlodar oblysynda eki basqarmaǵa jańa basshy taǵaıyndaldy, dep habarlaıdy QazAqparat oblys ákiminiń baspasóz qyzmetine silteme jasap.

Pavlodar oblysy aýyl sharýashylyǵy basqarmasynyń basshysy bolyp Nurbolat Maqashev taǵaıyndaldy.

Nurbolat Maqashev 1982 jyly Shyǵys Qazaqstan oblysynda dúnıege kelgen.

2003 jyly Shákárim atyndaǵy Semeı memlekettik ýnıversıtetinde «ınjener-sarapshy» mamandyǵy boıynsha bilim aldy.

2010 jyly «Turan-Astana» ýnıversıtetin «Quqyqtaný» mamandyǵy boıynsha, al 2016 jyly «Bolashaq» baǵdarlamasy boıynsha «Shpaıer» Nemis Ákimshilik basqarý ýnıversıtetiniń magıstratýrasyn bitirip, memlekettik basqarý magıstri dárejesin aldy.





Nurbolat Maqashevtyń Pavlodar oblysynyń aýyl sharýashylyǵy basqarmasynda jumys tájirıbesi bar.

2018 jyly ol vedomstvo basshysynyń orynbasary qyzmetin atqardy. 2019 jyly Tereńkól aýdany ákiminiń orynbasary bolyp taǵaıyndaldy.

Buǵan deıin 10 jyl boıy Nurbolat Maqashev aýyl sharýashylyǵy mınıstrliginiń júıesinde túrli laýazymdarda jumys istedi – qaıta óńdeý jáne agrarlyq azyq-túlik naryqtary departamentiniń sarapshysynan bastap strategııalyq josparlaý jáne taldaý departamenti dırektorynyń orynbasaryna deıin.

Sonymen qatar, Pavlodar oblysynyń qala qurylysy jáne jerdi baqylaý basqarmasyn Arman Bekbosynov basqaratyn boldy.

Arman Bekbosynov 1973 jyly ShQO-da dúnıege kelgen.





1995 jyly Óskemen jol-qurylys ınstıtýtyn «ınjener-qurylysshy» mamandyǵy boıynsha, al 2014 jyly ekonomıka jáne bıznes magıstri dárejesin Serikbaev atyndaǵy Shyǵys Qazaqstan memlekettik tehnıkalyq ýnıversıtetinen aldy.

Eńbek jolyn ShQO avtomobıl joldary qazynalyq kásipornynda ınjener bolyp bastady, onda 1996 jyldan 1999 jylǵa deıin jumys istedi.

Keıin «Qazaqavtojol» RMQK fılıalynda bas maman boldy.

2000 jyly Arman Bekbosynov Memlekettik qyzmetke aýysty – aldymen ShQO avtomobıl joldary basqarmasyna, sodan keıin – QR Kólik jáne kommýnıkatsııa mınıstrliginiń avtomobıl joldary komıtetine (KKM).

2005 jyly osy komıtettiń basqarma basshysy boldy. Sol jyldyń qyrkúıek aıynda «Kazahdorstroı» JShS dırektorynyń orynbasary bolyp taǵaıyndaldy.

2006 jyly Arman Bekbosynov Atyraý oblysy kólik ınfraqurylymyn damytý komıteti basqarma bastyǵynyń orynbasary bolyp, KKM qurylymyna qaıta oraldy.

2008 jyly KKM basqarmasyn basqardy.

Bir jyldan keıin ShQO jolaýshylar kóligi jáne avtomobıl joldary basqarmasynyń basshysy boldy.

2010-2013 jyldary-ShQO Katonqaraǵaı aýdanynyń ákimi. 2013-2014 jyldary – «Ertis» ÁKK basqarma tóraǵasy. 2014-2016 jyldary - ShQO Glýbokoe aýdanynyń ákimi.

2017 jyldan 2020 jylǵa deıin avtomobıl joldarynyń qurylysy boıynsha «Temirjol jóndeý» JShS dıvızıonyn basqardy.


Joǵary qaraı