Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda adam óltirdi degen kúdikpen aýyl turǵyny ustaldy

2021 jyldyń 22 qazan 2021 18:08

PAVLODAR. QazAqparat – Pavlodar oblysynyń Mıchýrıno aýylynyń shetinde 41 jastaǵy áıeldiń múrdesi tabyldy. Adam óltirdi degen kúdikpen Sharbaqty aýylynyń turǵyny qamaýǵa alyndy, dep habarlaıdy QazAqparat tilshisi.

«21 qazan kúni saǵat 19:30-da jedel qyzmetkerler Pavlodar aýdanynyń Mıchýrıno aýylynyń shetindegi orman alqabynda iz-túzsiz joǵalǵan 41 jastaǵy áıeldiń denesin tapty. Ol zorlyqpen óltirilgen», - dedi Pavlodar oblysy polıtsııa departamentiniń baspasóz qyzmeti.

Quqyq qorǵaý organdarynyń deregine saı, atalǵan is boıynsha sotaldy tergeý bastaldy.

«Kerek saraptamalar taǵaıyndaldy, tergeý sharalary júrip jatyr», - dep málimdedi Pavlodar oblysy polıtsııa departamentiniń bastyǵy Nurlan Masımov.

Departamenttiń habarlaýynsha, adam óltirdi degen kúdikpen Sharbaqty aýdanynyń 32 jastaǵy turǵyny ustalǵan.

Er adam ýaqytsha ustaý ızolıatoryna qamaldy. Qylmystyń mán-jaıy anyqtalyp jatyr.


Basty sózder: Oqıǵa, Zań, Pavlodar oblysy,
Joǵary qaraı