Aýa raıy
Astana 25 °S
Almaty 27 °S
valıýta baǵamy
USD 412.55
EUR 468.66
RUB 5.79
CNY 58.80

Pavlodar oblysynda 800 oryndy trıaj-ortalyq pen provızorlyq statsıonarlar ashyldy

2020 jyldyń 2 shilde 2020 13:04

PAVLODAR. QazAqparat - Pavlodardaǵy «Baıantaý» sport saraıynda patsıentterdi qabyldaý men dıagnostıkalaý ortalyǵy, al Moıyldy men Aqsýdaǵy shıpajaılarda qosymsha provızorlyq statsıonarlar ashyldy, dep habarlaıdy pavlodarnews.kz.

Pavlodar oblysy ákiminiń baspasóz qyzmetiniń málimdeýinshe, olardyń ázirligin óńir basshysy Ábilqaıyr Sqaqov tekserip shyqqan.
Pavlodarda 2 shildeden bastap trıaj-ortalyq óz jumysyn bastady. Ol «Baıantaý» sport saraıynda ashylyp, sol jerde 150 provızorlyq tósek-oryn qoıylǵan. Jedel járdem brıgadalary budan bylaı patsıentterdi aýrýhanalardan bólek, «Baıantaýdyń» ǵımaratyna jetkizedi. Tájirıbeli dárigerler óz kezeginde dıagnostıkadan ótkizip, patsıentterdi statsıonarlarǵa ornalastyrady. Ortalyq «taza» jáne «las» aımaqtarǵa bólingen, ári árqaısynda sanıtarlyq-epıdemıologııalyq talaptarǵa sáıkes naýqastardy qabyldaý joldary qarastyrylǵan.





— Trıaj-ortalyqtyń iske qosylýy aýrýhanalar men jedel járdem qyzmetiniń júktemesin azaıtýy tıis, – dedi Ábilqaıyr Sqaqov sport saraıyn aralaý barysynda. — Bul jerde naýqastardyń jaǵdaıyna baılanysty jedel sheshim qabyldaıtyn tájirıbeli dárigerler jumys isteıtin bolady. Barlyq medıtsına qyzmetkerleri jeke qorǵanys quraldarymen tolyqtaı qamtamasyz etilýi qajet. Personaldyń da, patsıentterdiń de epıdemıologııalyq qaýipsizdigi asa mańyzdy.





«Moıyldy» shıpajaıynyń ǵımaratynda birden 500 provızorlyq tósek-oryn qoıyldy. Densaýlyq saqtaý basqarmasynyń mamandary men epıdemıologterdiń baǵalaýy boıynsha, bul jer naýqastardyń em qabyldaýyna jaıly, al shıpajaıdyń kirme joldary yńǵaıly. Bul ǵımarattyń ishi de aımaqtarǵa bólingen. Atalǵan statsıonarǵa jaǵdaıy aýyr emes patsıentter jatqyzylady.

Aqsýdaǵy «EEK» AQ emdeý-saýyqtyrý kesheniniń negizinde 70 tósek-oryn, al «Eýrazııa» medıtsınalyq ortalyǵynda 80 tósek-oryn qoıyldy. Qos ǵımaratta da patsıentterdiń jaıly, ári qaýipsiz jaǵdaıda em alýyna jaǵdaı jasalǵan.

- Osylaısha, Pavlodar oblysynda bir kúnde qosymsha 800 provızorlyq tósek-oryndar daıyndaldy. Oblys ákimi aralaǵan barlyq mekemelerdiń qyzmetkerlerimen kezdesip, jedel shtab múshelerine uıymdastyrý suraqtaryn tez arada sheshýdi tapsyrdy, - dedi baspasóz qyzmetinde.








Esterińizge sala keteıi k, aımaqtaǵy epıdemıologııalyq jaǵdaıǵa baılanysty týyndaǵan máselelerdi jedel sheshý maqsatynda COVID-19-ǵa qarsy sharalardy úılestirýge arnalǵan Jedel shtab quryldy. Shtab tóraǵalyǵyn qolǵa alǵan Ábilqaıyr Sqaqov jumystyń basym baǵyttaryn aıqyndap, árqaısysyna jaýapty adamdardy bekitti. Máselen, provızorlyq statsıonarlar boıynsha sharalardy úılestirý mindeti aımaqtyq densaýlyq saqtaý salasyndaǵy tájirıbeli sarapshy oblystyq onkodıspanserdiń dırektory Murat Súleımenovke júkteldi.





Joǵary qaraı