Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda 600-den astam bıznes nysany Ashyq jobasynan shyǵarylady

2021 jyldyń 29 qyrkúıek 2021 22:53

PAVLODAR. QazAqparat – Óńirde Ashyq qosymshasyn qoldanýǵa arnalǵan QR-kod 6540 bıznes nysanynda bar, dep habarlaıdy QazAqparat tilshisi.

«Sońǵy túsirilimge sáıkes, 13-27 qyrkúıek aralyǵyndaǵy kezeńde jobanyń 617 qatysýshysy bir apta ishindegi nóldik kórsetkish (chekın) úshin jobadan shyǵarylady», - dep habarlady Pavlodar oblysy kásipkerler palatasynyń baspasóz qyzmeti.

Pavlodar oblysy ákimdiginiń saıtynda Ashyq jobasynyń belsendi emes qatysýshylary men kóshbasshylarynyń tizimi jarııalandy, palata oǵan nazar aýdardy.

Ashyq jobasynyń aýtsaıderlerimen birge monıtorıng toptarynyń músheleri túsindirý jumysyn júrgizip jatyr.

«Sonymen qatar, qazirgi tańda 222 qatysýshy – Ashyq jobasynyń kóshbasshysy. Birinshi túsirilim kezinde olardyń sany 13, ekinshisinde - 16, úshinshisinde - 21, tórtinshisinde – 53, besinshisinde – 213 boldy. Kóshbasshylar sany kóbeıýde, bul Ashyq qosymshasyn bıznes sýbektileri belsendi túrde qoldanatynyn bildiredi», - dep atap ótti kásipkerler palatasynda.

«Atameken» ÓKP aqparatyna sáıkes, 29 qyrkúıektegi jaǵdaı boıynsha 6 537 nysan Ashyq qosymshasyn paıdalaný úshin QR-kod alǵan.

Jobanyń 114 qatysýshysy alǵashqy 7 kúnde bas memlekettik sanıtar dárigerdiń qaýlysyna sáıkes test rejıminde jumys isteıdi.


Joǵary qaraı