Aýa raıy
Astana 14 °S
Almaty 12 °S
valıýta baǵamy
USD 405.69
EUR 455.51
RUB 5.72
CNY 57.42

Pavlodar oblysy bıznes júrgizýge qolaıly óńirler reıtınginde úzdik bestikke endi

2019 jyldyń 14 qarasha 2019 15:16

NUR-SULTAN. QazAqparat - Pavlodar oblysynyń ákimi Bolat Baqaýov óńirdegi ınvestıtsııalyq jobalar týraly aıtyp berdi, dep habarlaıdy QazAqparat tilshisi.

«Memleket basshysynyń tapsyrmasyn oryndaý barysynda ınvestıtsııa tartý jumystary kúsheıtildi. «Doing Business» reıtıngine sáıkes, Pavlodar oblysy bıznes júrgizýge qolaıly jaǵdaı jasaıtyn úzdik bes óńirdiń qatarynda. Bıyl ashylǵan Investor úıi bıznespen dıalogtyń jańa alańyna aınaldy. Munda «Open space» formatynda barlyq kásipkerlikti damytý ınstıtýttary («Qazaqınvest», «Atameken», «Damý» jáne «QazAgroFınans», mıkronesıeleý uıymdary, «Pavlodar» AEA ) bir alańda jumys isteıdi. Ár seısenbi saıyn «Investor saǵatyn» ótkizip, yqtımal ınvestorlarmen kezdesemin. Óńirge jańa ınvestıtsııa tartý úshin árbir jobaǵa kóńil bólemiz», - dedi ákim Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, jyl basynan beri óńir ekonomıkasyna 352 mlrd teńge ınvestıtsııa tartylǵan. Onyń 75% nemese 264 mlrd teńgesi jeke ınvestıtsııaǵa tıesili.

«Aldaǵy 4 jylǵa (2020-2023 jyldary) 500 mlrd teńgeden asatyn ınvestıtsııaǵa 13 jańa joba qarastyryldy. Nátıjesinde 5 myń jańa jumys orny qurylady dep kútilýde. Máselen, Ekibastuz qalasyndaǵy ındýstrıaldy aımaqta tehnıkalyq kremnıı óndiretin jańa zaýyt ashý josparlanǵan. Jobanyń jalpy quny 300 mln AQSh dollaryn quraıdy», - dedi B. Baqaýov.

Sonymen birge, óńirdegi kásipkerlerdi qoldaý sharalary júrgizilip jatyr.

«Oblys ortalyǵynda «Open Pavlodar» jańa front-keńse ashyldy. Onda barlyq zańdy jáne jeke tulǵalarǵa onlaın qyzmetter kórsetiledi. «Bıznestiń jol kartasy - 2020» sýbsıdııalaǵan jobalar sany boıynsha Pavlodar óńiri úsh jyldan beri kósh bastap keledi. Jyl basynan beri bıznes sýbektileriniń sany 7% artty (...) Іri saýda ortalyqtary jelisin keńeıtý josparlanǵan. Jaqynda «Batyr moll» saýda jáne oıyn-saýyq ortalyǵynyń qurylysy aıaqtalady. Onyń aýmaǵy elordadaǵy «Kerýen» saýda ortalyǵymen teń bolady», - dedi Bolat Baqaýov.

Aıta keteıik, Pavlodar oblysynyń ákimi Bolat Baqaýov elordada 2019 jyldyń 10 aıyndaǵy óńirdiń áleýmettik-ekonomıkalyq damýy týraly esep berýde. Buǵan deıin ákim óńirdiń eksporttyq áleýeti týraly baıandaǵan bolatyn.

Joǵary qaraı