Aýa raıy
Astana 22 °S
Almaty 28 °S
valıýta baǵamy
USD 412.55
EUR 465.73
RUB 5.79
CNY 58.91

«Pavlodar» AEA taýarlarynyń jartysynan astamy eksporttalyp úlgerdi

2019 jyldyń 14 qarasha 2019 14:23

NUR-SULTAN. QazAqparat - Kelesi jyly «Pavlodar» arnaıy ekonomıkalyq aımaǵynda 9 iri joba júzege asyrylady, dep habarlaıdy QazAqparat tilshisi.

Bul týraly Pavlodar oblysynyń ákimi Bolat Baqaýov málimdedi.

«Eksporttyq óndiristi damytýda «Pavlodar» arnaıy ekonomıkalyq aımaǵy erekshe ról atqarady. Bıyl «Pavlodar» AEA Búkilálemdik arnaıy ekonomıkalyq aımaqtar uıymy ókildiginiń mártebesin aldy. Bıyl ekonomıkalyq aımaq qatysýshylary óndiretin 30 taýardyń jartysynan astamy (16) eksporttalyp úlgerdi», - dedi ákim Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, bıylǵy 9 aıda AEA kásiporyndary 32,5 mlrd teńgege ónim shyǵardy. Bul kórsetkish ótken jylmen salystyrǵanda 1,5 esege joǵary.

«Búginde «Pavlodar» AEA ınvestıtsııalyq qorjynynda 22 joba bar. Olardyń jalpy quny - 205 mlrd teńge. Jyl sońyna deıin 3 mlrd teńge bolatyn 4 joba aıaqtalady. Onyń arasynda mazýt pen basqa da munaı óndirisinen qalǵan qaldyqtardy óńdeıtin «Severhım» JShS, metallýrgııalyq koks shyǵaratyn «RTF PVL» JShS, belsendirilgen kómir óndiretin «RTF ACTICA» JShS jáne «Spetspromservıs» JShS ınfraqurylymdyq jobasy bar. Kelesi jyly AEA aýmaǵynda 20 mlrd teńgeden asatyn ınvestıtsııaǵa 9 iri jobany júzege asyrý josparlanǵan», - dedi B. Baqaýov.

Aıta keteıik, Pavlodar oblysynyń ákimi Bolat Baqaýov elordada 2019 jyldyń 10 aıyndaǵy óńirdiń áleýmettik-ekonomıkalyq damýy týraly esep berýde. Buǵan deıin ákim óńirdiń eksporttyq áleýeti týraly baıandaǵan bolatyn.

Joǵary qaraı