Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Pavel Kazantsev pen Balaıym Kesebaeva Májilis spıkeriniń orynbasarlary boldy

2021 jyldyń 15 qańtar 2021 13:11

NUR-SULTAN. QazAqparat - QR Parlamenti Májilisi tóraǵasynyń orynbasarlary laýazymyna Pavel Kazantsev pen Balaıym Kesebaeva saılandy, dep habarlaıdy QazAqparat tilshisi.

Májilistiń jalpy otyrysy barysynda Nurlan Nyǵmatýlın óziniń orynbasarlary laýazymyna Pavel Kazantsev pen Balaıym Kesebaeva kandıdatýrasyn usynyp, ony depýtattar biraýyzdan qoldady.

«Balaıym Týǵanbaıqyzy 6-shy shaqyrylym depýtaty bolǵan, tájiriıbesi mol bilikti zańger. Kóp jyldar boıy ádilet organdarynda qyzmet atqardy. 6-shy shaqyrylymda Zańnama jáne sot-quqyqtyq reforma komıtetiniń múshesi boldy. Zań shyǵarý qyzmetine belsendi qatysyp, óziniń kásibı sheberligin kórsetti», - dedi Májilis Tóraǵasy.

Nurlan Nyǵmatýlın ekinshi orynbasary Pavel Kazantsevtiń jergilikti atqarýshy organdarda jumys tájirıbesi mol ekendigin, 6-shy shaqyrylǵan Parlament Májilisiniń depýtaty bolǵanyn atap ótti.

Aıta keteıik, búgin Parlament Májilisiniń jalpy otyrysynda Nurlan Nyǵmatýlın Májilis Tóraǵasy laýazymyna depýtattardyń jasyryn daýys berýi nátıjesinde saılanǵan edi.
Joǵary qaraı