Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Páterlerde gaz ballondaryn paıdalanatyn almatylyqtarǵa aıyppul salynady

2021 jyldyń 24 jeltoqsan 2021 13:59

ALMATY. QazAqparat- Páterlerde gaz ballondaryn paıdalanatyn almatylyqtarǵa aıyppul salynady. Bul týraly Almaty qalasy turǵyn úı saıasaty basqarmasynyń bas mamany Dınara Jýsanbekova aıtty, dep habarlaıdy QazAqparat tilshisi.

Óńirlik kommýnıkatsııalar qyzmetiniń alańynda maman málim etkendeı, olar gaz jabdyqtaryn, qazandardy, ballondardy jáne qysymmen jumys isteıtin ydystardy áleýmettik ınfraqurylym obektilerinde paıdalaný qaýipsizdigi boıynsha aılyqtardy únemi ótkizip turady.

Mysaly, 2021 jyldyń 11 aıynda 70-ten astam bazar, 78 saýda úıleri jáne 1160-tan astam qoǵamdyq tamaqtaný obektileri tekserildi. Almatynyń 383 qoǵamdyq tamaqtaný nysandarynda gaz ballondarynan aqaý shyqty.

Qoldanystaǵy «Gaz jáne gazben jabdyqtaý týraly» zańnamaǵa sáıkes turǵyn úı saıasaty basqarmasy turmystyq jáne kommýnaldyq-turmystyq tutynýshylardyń, sondaı-aq turmystyq ballondardyń gaz jabdyǵyn qaýipsiz paıdalaný talaptarynyń saqtalýyna memlekettik baqylaý júrgizedi.

Máselen, ótken jyly TKB qyzmetkerleri megapolıstiń kópqabatty úılerindegi gaz ballondaryn paıdalaný boıynsha jospardan tys 15 tekserý júrgizdi.

Nátıjesinde 48 myń teńgeden astam aıyppul túrindegi ákimshilik jaýapkershilikke 5 turǵyn tartyldy.

Eske salsaq, QR-da kóp qabatty turǵyn úılerde turmystyq gaz ballondaryn saqtaýǵa jáne paıdalanýǵa tyıym salynǵan.

«Biz Almatyda gazdy paıdalanýǵa baılanysty jazataıym oqıǵalardy boldyrmaý boıynsha qabyldanyp jatqan sharalarǵa qaramastan, qoǵamdyq tamaqtaný obektileri men saýda bazarlarynda basshylyq pen personal tarapynan nemquraılylyqty kórip otyrmyz. Bul ǵımarattar men qurylystardyń buzylýyna, sondaı-aq túrli zardaptarǵa ákelýi múmkin. Taǵy eske salamyz, páterlerde gaz ballondaryn paıdalanatyn almatylyqtarǵa aıyppul salynady», - dedi Almaty qalasy turǵyn úı saıasaty basqarmasynyń lıft, gaz jáne qazandyq jabdyqtaryn baqylaý bóliminiń bas mamany Dınara Jýsanbekova.


Joǵary qaraı