Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pashazade: Elbasy usynǵan dinder arasyndaǵy dıalog áli mańyzdy

2021 jyldyń 6 qazan 2021 14:18

NUR-SULTAN. QazAqparat – Kavkaz musylmandary basqarmasynyń tóraǵasy, Sheıh-ýl-Islam Gadjı Allahshúkir Pashazade álemdik jáne dástúrli dinder kóshbasshylary sezi hatshylyǵynyń HІH otyrysynda sóz sóıledi, dep habarlaıdy QazAqparat tilshisi.

«Osydan 18 jyl buryn qazaq halqynyń kóshbasshysy, yqpaldy álemdik saıasatker, Túrki álemi men Ortalyq Azııanyń kórnekti memleket qaıratkeri, Qazaqstan Respýblıkasynyń Tuńǵysh Prezıdenti - Elbasy Nursultan Ábishuly Nazarbaevtyń dinder men órkenıetter arasyndaǵy dıalog qaǵıdattary men praktıkasyn ilgeriletý jónindegi bastamasy óziniń mańyzyn saqtap kele jatqanyn, al bul ıdeıanyń dáıektiligi men ónimdiligi ýaqytpen dáleldengenin erekshe atap ótken jón», - dedi Pashazade otyrysta.

Onyń aıtýynsha, búginde Elbasynyń dana kózqarasy men kúsh-jigeriniń arqasynda álemde dinaralyq yntymaqtyń jańa platformasy qurylǵan.

«Joǵary mártebeli Qazaqstan Respýblıkasynyń Prezıdenti Qasym-Jomart Toqaevtyń qazaq memlekettiliginiń ilgerileýi men órkendeýin, dinaralyq dıalog pen yntymaq salasyndaǵy, atap aıtqanda, álemdik jáne dástúrli dinder kóshbasshylarynyń sezderi sheńberindegi qundy ıdeıalardy ilgeriletý jónindegi sabaqtastyqty qamtamasyz etetin saıası joldy tabysty jalǵastyrý jónindegi kúsh-jigerin erekshe atap ótken jón», - dedi Sheıh-ýl-Islam.

Sondaı-aq, ol álemde ksenofobııa, ıslamofobııa, hrıstıanofobııa jáne antısemıtızm sııaqty ıdeologııalyq jáne praktıkalyq qaýipterdiń ósip turǵanyn atady.

«Bul halyqaralyq turaqtylyq pen qaýipsizdikke úlken kedergi keltiredi. Búgingi tańda agressııany, zorlyq-zombylyqty jáne kemsitý týdyratyn óshpendilikke shaqyrý naqty saıası jáne áleýmettik qaýipke aınaldy. Mundaı úndeýlerdiń ıdeologııanyń kesirinen túrli aımaqtardaǵy turaqtylyq buzylyp, adamdar arasyndaǵy qaqtyǵystarǵa, áskerı qylmystarǵa, genotsıdke ákelip otyr», - degen Pashazade árbir saıası jáne dinı kóshbasshynyń sóz bostandyǵy men demokratııa syltaýymen jekkórýshilik pen qarama-qaıshylyqty týdyratyn osyndaı áreketterdi toqtatý mindetti ekenin eske saldy.

«Biz VII sezde jáne onyń qorytyndy qujattarynda kezekti ret yntymaqtasa otyryp, ksenofobııanyń barlyq nysandaryn, ǵıbadat oryndaryndaǵy dindarlarǵa qarsy ekstremızmniń kez kelgen aktilerin aıyptaı otyryp, dinı nyshandar men qasıetti oryndardy qorlaýǵa qarsy narazylyq únin kóteremiz dep senemin», - dep qorytyndylady dinı qaıratker.


Joǵary qaraı