Aýa raıy
Astana -24 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Partııalardyń barlyǵy naqty usynys berip, elge jaqsylyq jasasa deımiz - Nursultan Nazarbaev

2020 jyldyń 25 qarasha 2020 15:50

NUR-SULTAN. QazAqparat - Men úshin elimizdiń eńseli erteńinen artyq arman da, qundylyq ta joq. Búgin «Nur Otan» partııasynyń kezekten tys HH sezin qorytyndylaǵan QR Tuńǵysh Prezıdenti - Elbasy Nursultan Nazarbaev osylaı aıtty, dep habarlaıdy QazAqparat tilshisi.

«Táýelsiz Qazaqstannyń irgetasyn qalaǵan, ony 30 jyl basqarǵan adam retinde aıtarym, men úshin elimizdiń eńseli erteńinen artyq arman da, qundylyq ta joq. Osynaý kúrdeli kezeńde memlekettiń táýelsizdigin, tutastyǵyn saqtaý, barsha halqymyzdy Prezıdent tóńiregine toptaý - bárimizdiń paryzymyz, meniń paryzym, Elbasy retindegi mıssııam. «Nur Otan» partııasynyń, Qazaqstan halqy Assambleıasynyń, Dúnıejúzilik qazaqtar qaýymdastyǵynyń jáne qaýipsizdik keńesiniń tóraǵasy retinde men osy jolda barymdy salamyn», - dedi Nursultan Nazarbaev.

Elbasy «Nur Otan» partııasynyń kezinde eldi biriktirý, halyq pen bılik arasyna dáneker bolý úshin qurylǵanyn aıtty.

«Búginde «Nur Otan» óz ýádesinde tura alatyn, eldegi myqty kóshbasshylardy toptastyrǵan saıası uıym ekenin bári kórip otyr. Basqa partııalar da bolady, qazir de bar. Oǵan eshkimniń qarsylyǵy joq. Qoǵam solaı, ýaqyt solaı. Biraq sol partııalardyń barlyǵy naqty usynys berip, elge jaqsylyq jasasa eken deımiz. Tek synap, kóshege shyǵyp aıqaılaǵannan ne shyǵady? Qansha aıqaılasa da, kóshege shyqsa da kópbalaly analar, jaǵdaıy joq kisiler túbinde kimge keledi? Úkimetke keledi. Bárin sheshetin memleket, Úkimet. Sondyqtan daý-damaıǵa salmaı, aıqaı-shýsyz partııaǵa kirip, odan soń depýtattyqqa ótip, sol jerde máselesin kóterip, sheshý kerek. Osy jolmen júreıik», - dedi QR Tuńǵysh Prezıdenti.


Joǵary qaraı