Aýa raıy
Astana -18 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Parlament Májilisinde ólim jazasyn joıýǵa qatysty qujat talqylanady

2020 jyldyń 24 qarasha 2020 10:32

NUR-SULTAN. QazAqparat – Parlament Májilisi «Ólim jazasynyń kúshin joıýǵa baǵyttalǵan Azamattyq jáne saıası quqyqtar týraly halyqaralyq paktige ekinshi Fakýltatıvtik hattamany ratıfıkatsııalaý týraly» zań jobasy boıynsha talqylaýdy bastady, dep habarlaıdy QazAqparat tilshisi.

«Ólim jazasynyń kúshin joıýǵa baǵyttalǵan Azamattyq jáne saıası quqyqtar týraly halyqaralyq paktiniń ekinshi Fakýltatıvtik hattamasyna Qazaqstan Respýblıkasynyń eskertpesimen 2020 jylǵy 23 qyrkúıekte Nıý-Iork qalasynda qol qoıylǵan bolatyn. Hattama elimizde ólim jazasyn joıý jónindegi halyqaralyq mindettemelerdi qabyldaýyna baǵyttalǵan. Májilistiń Halyqaralyq ister, qorǵanys jáne qaýipsizdik komıteti zań jobasy boıynsha 2021 jyldyń 23 maýsymǵa deıingi merzimde qorytyndy ázirleýge daıyn», - dedi depýtat Muhtar Erman Májilistiń jalpy otyrysynda.

Eske sala keteıik, 23 qyrkúıekte Birikken Ulttar Uıymynyń shtab-páterinde Qazaqstannyń BUU janyndaǵy Turaqty ókili Qaırat Omarov ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktige ekinshi Fakýltatıvtik hattamaǵa qol qoıdy .

Keıinnen QR Syrtqy ister mınıstrliginiń baspasóz qyzmeti Qazaqstannyń atalmysh halyqaralyq paktige qosylýyna qatysty túsinikteme berdi.

«Qazaqstan Respýblıkasynyń halyqaralyq sharttary týraly» 2005 jylǵy 30 mamyrdaǵy Qazaqstan Respýblıkasy Zańynyń 11-babynyń 1) jáne 2) tarmaqtaryna sáıkes ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktige Fakýltatıvtik ekinshi hattamany QR Parlamenti mindetti túrde ratıfıkatsııalaýy tıis, óıtkeni ol adamnyń jáne azamattyń quqyqtary jáne bostandyqtarymen baılanysty, sondaı-aq Qazaqstan Respýblıkasynyń zańdarynda kózdelgennen ózge erejelerdi belgileıdi. Osylaısha, atalǵan halyqaralyq shart QR Parlamentimen ratıfıkatsııadan ótkennen keıin ǵana kúshine enedi», - delingen habarlamada.


Avtor Rýslan Ǵabbasov
Basty sózder: Májilis, Zań, Adam quqyǵy,
Joǵary qaraı