Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Parıjdegi Notr-Dam shirkeýin restavratsııalaý aldaǵy qysta bastalady

2021 jyldyń 19 qyrkúıek 2021 03:12

PARIJ. QazAqparat - Parıjdegi sobordyń qurylymyn kúsheıtý jáne qaýipsizdigin qamtamasyz etý jumystary aıaqtaldy. Mamandardyń josparyna sáıkes alǵashqy qalpyna keltirý jumystary aldaǵy qysta bastalady, dep habarlaıdy QazAqparat Euronews-ke silteme jasap.

2019 jyly sáýir aıyndaǵy órt kezinde Notr-Dam shirkeýine zaqym keldi. Aǵash shatyr men shpıl tolyq órtenip ketti jáne sobordyń qabyrǵasy men birqatar tireginiń bir bóligi qırady.

Frantsııa prezıdenti Emmanýel Makron tarıhı nysandy bes jyl ishinde jóndeýdi tapsyrdy. Alaıda kóptegen mamandar bul múmkin emes dep otyr. Notr-Dam basshysy Patrık Shoveniń oıynsha shirkeýdi tolyq qalpyna keltirý úshin 15-20 jyl qajet.

Eki jyldan keıin sobordyń salyna bastaǵanyna 860 jyl tolady. Ǵımarattyń alǵashqy irgetasy 1163 jyly qalanǵan.


FOTO/MATHIEU CHAMPEAU/AFP


Perevod Jánibek Amangeldi
Basty sózder: Álem,
Joǵary qaraı