Aýa raıy
Astana -16 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Parıjde narazylyq aktsııasy polıtsııamen qaqtyǵysqa ulasty

2020 jyldyń 29 qarasha 2020 11:48

PARIJ. QazAqparat – Frantsııa azamattary polıtsııa qyzmetkerlerin belgili bir jaǵdaılarda sýretke jáne vıdeoǵa túsirýge tyıym salatyn zańǵa narazylyq bildirip jatyr. Frantsııa ishki ister mınıstrliginiń málimetinshe, aktsııaǵa 133 myńǵa jýyq adam qatysty, dep habarlaıdy QazAqparat Deutsche Welle agenttigine silteme jasap.

46 myńǵa jýyq adam Parıj kóshelerinde «Álemdik qaýipsizdik týraly» zańnyń qabyldanýyna narazylyq bildirdi.

Demonstranttardyń erekshe narazylyǵyn osy zańnyń 24-baby týǵyzdy. Onyń negizinde eger kadrlardyń taralýy «jekelegen sheneýnikterdiń fızıkalyq nemese psıhıkalyq derbes quqyǵyna qaýip tóndirse», jekelegen polıtseılerdi sýretke jáne vıdeoǵa túsirý úshin aıyppul qarastyrylǵan.

Eger zań qabyldanǵan jaǵdaıda bul quqyq buzýshylyq úshin bir jylǵa túrmege jabý nemese 45 myń eýro aıyppul tóleý jazasy bar.

Frantsııa astanasyndaǵy narazylyq polıtsııamen qaqtyǵysqa ulasty. Reuters agenttiginiń habarlaýynsha, tártip saqshylaryna tas pen petarda laqtyrylǵan, birneshe órt oqıǵasy tirkelgen.

Toǵyz adam ustaldy. Frantsııa ishki ister mınıstri Jeralda Darmanenniń aıtýynsha, 37 polıtsııa men ulttyq jandarmerııa qyzmetkeri jaraqat alǵan.

Narazylyq aktsııasy Frantsııanyń basqa qalalarynda da ótti. Sonymen, Lıllde AFP-tiń habarlaýynsha, kem degende 1500 adam kóshege shyqqan.

Rene men Monpelede, uıymdastyrýshylardyń aıtýynsha, narazylyq bildirýshiler sany 10 000-ǵa jetken. Narazylyq sharasyn uıymdastyrýshylar el boıynsha 500 myń adam kóshege shyqty deıdi.

Olar Parıj aktsııasyna qatysýshylar sanyn 200 myń dep baǵalady. Frantsııa ishki ister mınıstrliginiń málimetinshe, Parıjde 46 myń adam, al búkil el boıynsha 133 myń adam kóshege shyqqan.


Basty sózder: Oqıǵa, Eýropa,
Joǵary qaraı