Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Parıjde Abaıǵa eskertkish-bıýst ornatyldy

2021 jyldyń 6 jeltoqsan 2021 21:43

PARIJ. QazAqparat – Qazaqstan Respýblıkasynyń Frantsııadaǵy elshiliginiń bastamasymen Parıj qalasynyń 16-shy okrýginde ornalasqan Aqyndar gúlzarynda Abaıǵa ornatylǵan eskertkish-bıýsti ashý saltanaty ótti, dep habarlaıdy QazAqparat tilshisi.

Shara Qazaqstan Táýelsizdigi men eki el arasynda dıplomatııalyq qatynastardyń 30 jyldyǵyna arnaldy. Músindi Qazaqstan-Frantsııa iskerlik keńesiniń músheleri Aıdana Káribjanova men Gı Sıdostyń muryndyq bolýymen ornatyldy. Músinniń avtory – Erbol Zııabekov.

Saltanatty sharaǵa Parıj qalasy 16-shy okrýginiń meri Fransıs Spıner, Nur-Sultan qalasynyń ákimi Altaı Kólginov, QR Frantsııadaǵy elshisi Jan Ǵalıev, Frantsııa astanasy meriniń orynbasary Arno Ngatcha jáne Frantsııadaǵy qazaq qaıratkeri týraly zertteýlermen aınalysatyn Albert Fıshlerdiń qyzy Anna Glas sııaqty meımandar qatysyp, sóz sóıledi.




Aıta ketý kerek, «Square des poètes» saıabaǵynda frantsýz ádebıetiniń abyzdaryna arnalǵan eskertkishter ornatylǵan. Buǵan deıin sheteldik aqyndardan tek Pýshkınniń músini ǵana qoıylǵan bolatyn.

Aqyndar gúlzarynyń kitaphanasynda oqyrman qaýymǵa Abaıdyń frantsýz tilindegi kitaptary tanystyryldy. Músinniń ashylý rásiminde «Aıttym, sálem, Qalamqas» jáne «Kózimniń qarasy» ánderi shyrqaldy.

Saltanatty rásimge Frantsııa Prezıdenti Ákimshiliginiń, Syrtqy ister mınıstrliginiń ókilderi, depýtattar, iskerlik bıznes jáne qazaq dıasporasynyń ókilderi qatysty.











Joǵary qaraı