Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Parıj soty Qazaqstannyń paıdasyna sheshim shyǵardy

2021 jyldyń 15 qazan 2021 09:58

NUR-SULTAN. QazAqparat – Parıj qalasynyń soty «Tasyapi Insaat Taahhut San. ve Ticaret A.S.» kompanııasynyń aryzy boıynsha iste Qazaqstan Respýblıkasynyń paıdasyna sheshim shyǵardy. Bul týraly QazAqparat Ádilet mınıstrligine silteme jasap habarlaıdy.

Mınıstrliktiń habarlaýynsha, jábirlenýshi sottan budan buryn shyqqan tórelik sheshimniń kúshin joıýdy talap etti. Tórelik sheshimge sáıkes Tashıapy Qazaqstannyń paıdasyna 6,7 mıllıard teńge tóleý qajet.

«Qazaqstan Respýblıkasy Parıj sotyna Tashıapynyń talap-aryzy negizsiz ekenin dáleldedi. Sonymen qatar, sot Tashıapyny Qazaqstannyń 30 000 eýro kóleminde ketken sot shyǵyndaryn óteýge mindettedi.

Avtomobıl joldary komıtetiniń Tashıapy arasyndaǵy «Aqtóbe - Maqat» jolyna qurylys júrgizý týraly kelisimsharttyq qatynastar – atalmysh tórelik daýdyń máni boldy. Talap-aryz somasy 6,5 mln AQSh dollaryn quraǵan. 2019 jyldyń 3 jeltoqsanynda Sıngapýrdegi Halyqaralyq tórelik ortalyǵynyń tórelik soty Tashıapynyń talap-aryzdaryn qabyldamaı, Qazaqstannyń qarsy talaptaryn qanaǵattandyrǵan edi. Tórelik sottyń orny da Parıj qalasy bolǵan», - delingen habarlamada.

Osy is boıynsha memlekettiń múddelerin qorǵaýdy Qazaqstan Respýblıkasynyń Ádilet mınıstrligi júzege asyrdy.


Joǵary qaraı