Aýa raıy
Astana -6 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Paramen ustalǵan Zerendi aýdanynyń burynǵy ákimi sottaldy

2020 jyldyń 13 qarasha 2020 20:38

KÓKShETAÝ. QazAqparat - Aqmola oblysynda para alý kezinde ustalǵan Zerendi aýdanynyń burynǵy ákimi Berikjan Ábýtálipov pen aýdandyq turǵyn úı-kommýnaldyq sharýashylyǵynyń basshysy Nurlan Baqanov jáne kásipker Arkadıı Stolıarenkoǵa qatysty sot úkim shyqty, dep habarlaıdy QazAqparat tilshisi oblystyq sottyń baspasóz qyzmetine silteme jasap.

«Sot B.Ábýtálipovti QR QK 366 babynyń 3 bóligi 2 bólimshesi, 361 babynyń 4 bóligi 3 bólimshesi boıynsha kináli dep tanyp, múlkin, zańsyz jolmen alynǵan 741 080 aqshasyn tárkileý arqyly 5 jylǵa bas bostandyǵyn shekteý jazasyna kesti. Sonymen qatar, ol ómir boıyna memlekettik qyzmette laýazymda bolý quqynan aıyryldy», - dedi vedomstvodan.

Budan bólek, eks - ákim jazasyn óteý kezinde jyl saıyn 100 saǵattan aspaıtyn ýaqytqa májbúrli túrde jumys isteýge mindetteldi.

Al, N.Baqanovty QR QK 366 babynyń 3 bóligi 2 bólimshesi, 361 babynyń 4 bóligi 3 bólimshesi jáne 189 babynyń 3 bóligi 1,2 bólimsheleri boıynsha kináli dep tanyp, múlkin, zańsyz jolmen alynǵan 741 080 aqshasyn tárkileý arqyly 3 jyl 6 aıǵa bas bostandyǵynan aıyrý (qaýipsizdigi ortasha túzetý mekemesinde jazasyn óteıdi) týraly úkim shyǵardy. Sonymen qatar, ol da ómir boıyna memlekettik qyzmette laýazymda bolý quqynan aıyryldy.

Arkadıı Stolıarenko QR QK 189 babynyń 3 bóligi 1 bólimshesi boıynsha boıynsha kináli dep tanylyp, 4 jylǵa bas bostandyǵyn shekteý jazasyna kesildi. Ol QR QK 367 babynyń 2 bóliginde qarastyrylǵan – onyń áreketinde qylmystyń quramy bolmaǵany aqtaldy.

«Ábýtálipov pen Stolıarenkoǵa jazasyn óteý merziminde mynadaı probatsııalyq baqylaý ornatyldy: Turaqty mekenjaıy men jumys ornyn aýystyrmaýǵa, quzyretti memlekettik organnyń eskertýinsiz eshqaıda ketpeýge, saǵat 21:00-den 07:00 deıin qoǵamdyq oryndarǵa barmaýy tıis», - dep tolyqtyrdy vedomstvodan.

Vedomstvodan atap ótkendeı, sottalǵandardy turǵylyqty jeri boıynsha quzyrly memlekettik organ baqylaıtyn bolady. Eger sottalǵan tulǵalar jazadan bas tartatyn bolsa, onda bas bostandyǵyn shekteý sharasy, bas bostandyǵynan aıyrý túrindegi jazaǵa aýystyrylady. Sottalýshylar Ábýtálipov, Baqanov jáne Stolıarenkodan aýyr qylmysy úshin zardap shekken jaqtyń ótemaqy qoryna 20 aılyq eseptik kórsetkish kóleminde májbúrli tólem óndirilip alyndy.

Sot úkimi kúshine engen joq.


Joǵary qaraı