Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Pandemııa oıdan shyǵarylǵan - feık

2021 jyldyń 16 qarasha 2021 16:20

NUR-SULTAN. QazAqparat - Qaznet paıdalanýshylary pandemııa kezinde jumys isteýge májbúr bolǵanyna qaramastan, azyq-túlik dúkenderiniń satýshylary men sýpermarketterdiń kassırleri COVID-19-ben aýyrmaıdy dep oılanyp qaldy. Keıbireýleri, dúken qyzmetkerleriniń arasynda indet oshaǵy bolmaǵandyqtan, pandemııa oıdan shyǵarylǵan dep sanaıdy. Bul jańsaq pikir. Nege ekenin stopfake.kz saıty túsindirdi.

Birinshiden, COVID-19 pandemııasynyń basynda álem boıynsha saýda úıleri men dúkenderinde turaqty túrde dezınfektsııalaý sııaqty qosymsha qaýipsizdik sharalary engizildi, kassalarǵa qorǵanys áınekteri ornatyldy. COVID-19 dıagnozy rastalǵan adamdar karantınge qamaldy, demek olar azyq-túlik dúkenderine barmady.

Ekinshiden, satýshylar men kassırler COVID-19–ben aýyrmaıtyny mıf. Máselen, ótken jyldyń sáýir aıynda AQSh-ta azyq-túlik dúkenderiniń kem degende 41 qyzmetkeriniń qaıtys bolǵany týraly habarlandy.
Keıinnen bul kórsetkish artty. Bıyl qyrkúıek aıynda Shtattarda qaıtys bolǵan 500 saýda qyzmetkeri týraly habarlandy.
Azyq-túlik jáne saýda qyzmetkerleriniń halyqaralyq odaǵy aǵymdaǵy jyldyń sáýir aıynda dúken qyzmetkerleri arasynda COVID-19 juqtyrýdyń kem degende 91 400 jaǵdaıy tirkelgeni týraly habarlady.
Satýshylar men kassırler arasynda COVID-19 sımptomsyz tasymaldaýshylarynyń sany alańdaýshylyq týdyrady. Ótken jyldyń qazan aıynda retsenzııalanǵan BMJ ǵylymı jýrnalynda jarııalanǵan maqalaǵa sáıkes, COVID-19-ǵa test tapsyrǵan dúkender men saýda ortalyqtary qyzmetkerleriniń 76%-y aýrýdyń sımptomsyz tasymaldaýshysy bolyp shyqty.
E1.ru. basylymy da «aýyrmaıtyn» satýshylar qubylysyna qatysty túsinik berdi. Saýda qyzmetkerleri arasyndaǵy aýrýshańdyqqa qatysty maqalada iri sýpermarketterdiń kassırleriniń kóbinde SARS-CoV-2 vırýsyna antıdeneler anyqtaldy, bul olardyń jeńil nemese sımptomsyz túrde aýyrǵanynyń jáne dárigerlerge júginbegeniniń belgisi.
Saýda qyzmetkerleri KVI-men aýyrmaıdy jáne osy aýrý saldarynan ólmeıdi degen teorııa durys emes. Demek, pandemııa – bul álemdik qastandyq degen tujyrymǵa da senýdiń qajeti joq. Bul qastandyq teorııasyn týraly biz egjeı-tegjeıli jazǵan bolatynbyz.


Basty sózder: Feık, Koronavırýs feık,
Joǵary qaraı