Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Pandemııa kezinde elimizde ınternet alaıaqtyq 10 ese ósti

2022 jyldyń 26 mamyr 2022 11:53

NUR-SULTAN. QazAqparat – 2021 jyly elimizde 21 myńnan astam ınternet alaıaqtyq tirkeldi. Bul týraly QR ІІM krımınaldyq polıtsııa departamenti bastyǵynyń orynbasary Serik Shalqarov aıtty, dep habarlaıdy QazAqparat tilshisi.

«Aqparattyq tehnologııalar men tsıfrlyq servıstiń damýy jaǵdaıynda, ásirese pandemııa kezeńinde búkil jergilikti jerlerde kıberqylmystyń, onyń ishinde ınternet alaıaqtyqtyń órshigeni baıqaldy. Eger 2017 jyly 2 myń ınternet alaıaqtyq tirkelgen bolsa, ótken jyldyń qorytyndysy boıynsha 21 myńnan astam alaıaqtyq tirkelip otyr», - dedi ol mınıstrliktiń Facebook paraqshasynda ótken onlaın brıfıng barysynda.

Osy rette spıker ınternet-alaıaqtyqtyń eń kóp taraǵan túrlerine toqtaldy.

«Osy jylǵy 4 aıda onlaın saýda boıynsha 2,5 myń fakti tirkeldi. Onda alaıaqtar taýar nemese kórsetetin qyzmet úshin aldyn ala tólem alady. Azamattardyń jeke derekterin alǵannan keıin bank shotynan aqsha urlaý boıynsha 1,8 myń fakti áshkerelendi. Onlaın qaryz rásimdeý arqyly 1 myńnan astam qylmys jasaldy. Aqshany ártúrli tıimdi jobalarǵa, ınvestıtsııaǵa, stavkaǵa jáne basqa da salaǵa salyp, kóbeıtip berý syltaýymen 400-ge jýyq alaıaqtyq tirkeldi», - dedi Serik Shalqarov.


Joǵary qaraı