Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııa kezinde almatylyqtar azyq-túlikpen qalaı qamtyldy

2020 jyldyń 2 jeltoqsan 2020 16:53

ALMATY. QazAqparat – Almatyda pandemııa jaǵdaıynda qalanyń azyq-túlik qaýipsizdigin qamtamasyz etý – mańyzdy máselelerdiń biri bolyp otyr. Ákimdik osy maqsatta birqatar mańyzdy sharany qolǵa aldy, dep habarlaıdy QazAqparat tilshisi.

Qalalyq ákimdik qala turǵyndaryn úzdiksiz azyq-túlikpen qamtý úshin ýaqytynda iri óndirýshilermen tıimdi baǵada kelisimshartqa otyryp úlgergen. Bul azyq-túliktiń turaqtandyrý qoryn qurýǵa múmkindik berdi.

Turaqtandyrý qoryn tolyqtyrýǵa jergilikti bıýdjetten 7 mlrd teńge qarajat bólindi. Jyl basynan beri áleýmettik turǵydan mańyzdy azyq-túlikterdiń baǵa ındeksi 108,1% bolǵan (Qazaqstanda – 109%).

Budan bólek «aınalym» syzbasy aıasynda aýylsharýashylyq ónimderin saýda jelileri arqyly belgilengen baǵamen satý jalǵasyp jatyr. Bıyl qarasha aıynan bastap jalpy quny 1,5 mlrd tg bolatyn 12 myń tonna «kókónis qory» satyla bastady.

Sonymen qatar, «Aqsaı» nan-toqash kombınaty» JShS-ne 1 surypty unnan áleýmettik nan óndirý úshin 1 mlrd tg kóleminde jeńildetilgen nesıe berildi.

Aýylsharýashylyq ónimderin óndirýshiler men dıstrıbıýtorlarǵa nesıe berý jaıy pysyqtalyp jatyr. Aýylsharýashylyq ónimderin tikeleı jetkizý uıymdastyrylyp jatyr.

Sonymen qatar, búginde sanıtarlyq sharalardy saqtaı otyryp, demalys kúnderinde 7 jármeńke kezeń-kezeńimen ótkizildi. Munda Almaty oblysynyń qalaǵa jaqyn ornalasqan aýdandarynyń aýylsharýashylyq ónimderin óndirýshileri men Almaty qalasynyń tamaq ónerkásibi kásiporyndary ónimderin bazardaǵydan tómen baǵamen satyp jatyr.

Jaqynda Almaty, Jambyl oblystarynyń aýyl sharýashylyǵy ónimderin óndirýshilerdiń keńeıtilgen jármeńkeleri ótti. Onda 760 tonnadan astam ónim satyldy.

Qabyldanǵan sharalar aıasynda qalany negizgi azyq-túlik taýarlarymen qamtamasyz etý jaǵdaıy turaqty. Áleýmettik mańyzy bar azyq-túlik ónimderiniń baǵasyn turaqtandyrý boıynsha jumystar jalǵasyp jatyr.


Avtor Gúlmıra Ǵosmanálı
Basty sózder: Almaty, Azyq-túlik, Qoǵam,
Joǵary qaraı