Aýa raıy
Astana -11 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııa kezeńinde EO elderinde saılaý qalaı ótti

2020 jyldyń 22 qazan 2020 08:42

BRıÝSSELЬ. QazAqparat – Koronavırýs pandemııasy bastalǵaly Eýropalyq odaqqa múshe eki el halyqtyq saılaý ótkizdi. Frantsııa men Polshadaǵy saılaý jaıly QazAqparattyń Brıýsseldegi menshikti tilshisi aıtyp beredi.

Frantsııada mýnıtsıpaldy saılaý eki kezeńde ótti. Onda respýblıka azamattary jergilikti ózin-ózi basqarýdy tańdady. Birinshi kezeń 2020 jylǵy 15 naýryzda, al ekinshi kezeń 8 maýsymda ótti.

Bir qyzyǵy, saılaýdyń birinshi kezeńinen keıin Frantsııanyń birqatar qalasynyń merleri eldiń premer-mınıstrine ujymdyq úndeý joldady. Onda olar saılaýdyń kelesi kezeńin keshiktirmeýdi suraǵan, óıtkeni qala bıligi karantınniń saldaryn joıý úshin bar kúshin salýǵa múddeli boldy.

Pandemııa jónindegi ǵylymı keńestiń kelisimi boıynsha Frantsııa úkimeti maýsymnyń sońǵy jeksenbisinde ekinshi kezeńdi ótkizýge kelisti. Osyǵan baılanysty jergilikti sheneýnikter saılaýshylardy jeke qorǵanys quraldarymen qamtamasyz etýge ýáde berdi.

Frantsýz baqylaýshylarynyń pikirinshe, pandemııa úgit-nasıhat pen daýys berý protsesine aıtarlyqtaı áser etti. Kandıdattar ózderiniń úgit-nasıhat jumystaryn óz komandalarymen kezdespeı ótkizdi. Olar Internet arqyly belsendi úgit jumystaryn júrgizdi.

Pandemııa kezinde Polshada jalpyhalyqtyq saılaý ótti, onda eldiń jańa prezıdenti saılandy. Birinshi kezeń 2020 jylǵy 28 maýsymda, ekinshi kezeń 12 shildede ótti. Ekinshi kezeńde Andjeı Dýda jeńiske jetti.

Koronavırýs pandemııasyna baılanysty Polsha prezıdentin saılaý eki jolmen ótti: dástúrli túrde jáne «poshta arqyly». Daýys berýge arnalǵan arnaıy paketter alǵan 200 myńǵa jýyq polıak qashyqtan daýys berý múmkindigin paıdalandy.

Avtory: Arnur Rahymbekov


Basty sózder: Eýropa, Koronavırýs,
Joǵary qaraı