Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstannyń 3 mln-ǵa jýyq turǵyny COVID-19-ǵa qarsy vaktsına saldyrdy

2021 jyldyń 12 qyrkúıek 2021 22:43

TAShKENT. QazAqparat – Vaktsınatsııa bastalǵaly beri Ózbekstannyń 3 mln-nan astam turǵyny koronavırýsqa qarsy ekpeniń tolyq kýrsyn aldy, dep habarlaıdy QazAqparat HAA menshikti tilshisi.

Ózbekstannyń Densaýlyq saqtaý mınıstrliginiń habarlaýynsha, búgingi tańda elde vaktsınanyń 16 861 167 dozasy paıdalanylǵan. Olardyń arasynda birinshi dozany 9 991 456 adam alǵan. Ekinshi jáne úshinshi (ZF-UZ-VAC2001 qytaı-ózbek vaktsınasy 3 jozamen egiledi) dozany 5 143 903 jáne 1 725 808 ózbekstandyq saldyrǵan.

Vaktsınanyń tolyq kýrsyn 3 121 019 ózbekstandyq alǵan. Bul el turǵyndarynyń 9 % (Ózbekstan turǵyndarynyń sany 2021 jyldyń basynda 34,5 mln boldy).

Aıta keteıik, Ózbekstanda vaktsına salý naýqany 1 sáýirde bastaldy.

Qazir Ózbekstanda eýropalyq AstraZeneca, qytaı-ózbek ZF-UZ-VAC2001 jáne reseılik «Spýtnık-V», sondaı-aq amerıkalyq Moderna vaktsınasy salynyp jatyr.

Epıdemıologııalyq jaǵdaıdyń qıyndaýyna baılanysty Ózbekstanda 3 tamyzdan bastap, jumys isteıtin turǵyndardyń mindetti túrde vaktsına alýyn quqyqtyq negizde mindetteıtin zań qabyldandy.


Mádıbek Jánibekov

Joǵary qaraı