Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstannan Qazaqstanǵa keletin sý kólemi ulǵaıtylmaq

2021 jyldyń 21 shilde 2021 11:07

TAShKENT. QazAqparat - QR Ekologııa, geologııa jáne tabıǵı resýrstar mınıstri M. Myrzaǵalıev Ózbekstan Respýblıkasynyń Sý sharýashylyǵy mınıstri Sh. Hamraevpen kezdesý ótkizdi. Bul týraly QazAqparat Ekologııa mınıstrligine silteme jasap habarlaıdy.

Kezdesý barysynda olar Syrdarııa ózeniniń orta jáne tómengi aǵysyndaǵy sý jaǵdaıyn jaqsartý jónindegi birlesken sharalardy talqylady.

Kezdesý qorytyndysy boıynsha Qazaqstan úshin «Dostyq» memleketaralyq arnasy boıynsha Túrkistan oblysynyń Maqtaaral jáne Jetisaı aýdandarynyń fermerleri úshin sý jiberý kólemi 80-nen 90 m3/s deıin ulǵaıtyldy.




Sondaı-aq, Shardara sý qoımasyna keletin aǵyndy arttyrý boıynsha birlesken sharalardy jalǵastyrý týraly ýaǵdalastyqtarǵa qol jetkizildi.

Sonymen qatar, kezdesý barysynda Qazaqstan Respýblıkasynyń Úkimeti men Ózbekstan Respýblıkasynyń Úkimeti arasyndaǵy Transshekaralyq sý obektilerin birlesip basqarý jáne paıdalaný týraly Kelisimniń jobasy talqylandy.

Taraptar osy jyldyń sońyna deıin Kelisim jobasyn kelisý rásimderin aıaqtaý nıetteri bar ekenin rastady.





Joǵary qaraı