Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstandaǵy qazaqtardyń Kishi quryltaıy ótti

2020 jyldyń 21 qazan 2020 16:40

NUR-SULTAN. QazAqparat - «Dúnıejúzi qazaqtary qaýymdastyǵy» RQB men «Otandastar qory» KeAQ birlesip, QR Aqparat jáne qoǵamdyq damý mınıstrliginiń qoldaýymen onlaın formatta Ózbekstandaǵy qazaqtardyń Kishi quryltaıyn ótkizdi, dep habarlaıdy QazAqparat.

Іs-sharaǵa QR Aqparat jáne qoǵamdyq damý mınıstri Aıda Balaeva, Ózbekstan Respýblıkasy Mınıstrler Kabıneti janyndaǵy shet eldermen ultaralyq qatynastar jáne dostyq baılanystar komıtetiniń bólim basshysy Ferýz Bekov, «Dúnıejúzi qazaqtary qaýymdastyǵy» RQB tóraǵasynyń birinshi orynbasary Zaýytbek Turysbekov, Ózbekstandaǵy qazaq-mádenı ortalyǵynyń tóraǵasy Serikbaı Úsenov, sondaı-aq «Otandastar qory» KeAQ, Qazaqstan men Ózbekstannyń qoǵamdyq, mádenı birlestikteriniń ókilderi jáne basqalar qatysty.




Іs-shara barysynda mınıstr Aıda Balaeva, Ózbekstan Respýblıkasy Qazaqstan úshin baýyrlas el ekenin atap ótip, bizdiń elderimizde tilder men din, mádenıet pen rýhanııat bir-birimen baılanysty ekenin atap ótti. Eki memleket arasyndaǵy belsendi ózara qarym-qatynasy men sheteldegi qandastardy memlekettik qoldaý sharalary týraly aıtyp berdi.




Z.Turysbekov óz sózinde etnıkalyq qazaqtardyń Ózbekstanda ómir súrýiniń tarıhı aspektisine toqtalyp, eki memleket arasyndaǵy dostyq qarym-qatynastardy jáne mádenı-rýhanı baılanystardy nyǵaıtýdy erekshe atap ótti, sondaı-aq ózbek tarapyna sheteldegi qandastarǵa qatysty qazaqstandyq bastamalarǵa qoldaý kórsetkeni úshin alǵys aıtty.

Shetelde qazaqtardyń Kishi quryltaıyn ótkizý tájirıbesi Qazaqstan men basqa elder arasyndaǵy gýmanıtarlyq baılanystardy nyǵaıtýǵa baǵyttalǵan, sondaı-aq sheteldegi otandastarǵa salt-dástúrlerdi saqtaýǵa, qazaq tilin úırenýge jáne mádenı-gýmanıtarlyq jobalardy iske asyrýǵa arnalǵan.












Basty sózder: Ózbekstan, Qandastar,
Joǵary qaraı