Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstanda toı jıyndarǵa 50 adamnan artyq qonaq shaqyrylmaıdy

2021 jyldyń 20 shilde 2021 16:07

TAShKENT. ÓzA – QazAqparat - Ózbekstanda 20 shildeden bastap kafe men meıramhanalarǵa arnalǵan karantın shekteýleri aıasynda osy kúnnen bastap toı jıyndaryna shaqyrylar qonaqtardyń sanyn shekteý jaıly sheshim óz kúshine enetin boldy. Bul týraly QazAqparat ÓzA silteme jasap habarlaıdy.

Densaýlyq saqtaý mınıstrliginiń habarlaýynsha, 20 shildeden bastap toı jıyndarǵa (meıramhanalarda) otbasylyq merekelerdi, úılený toılaryn, saltanatty sharalardy ashyq aspan astynda ótkizý múmkin bolmaǵan jaǵdaıda, ony 50 kisilik qonaqtan asyrmaı ótkizýge ruqsat berildi.

Onda sanıtarlyq-gıgıenalyq talaptardy qatań saqtaý qajet jáne ruqsat etilgen 50 adam jaqyn týysqandary men osy aýdanda turatyn basqa jaqyn kisiler bolýy kerek.

Eske sala keteıik, arnaıy komıssııanyń buǵan deıingi sheshimimen 1 tamyzdan bastap toı jıyndary men basqa da saltanaty sharalarǵa 50 adamnan artyq qonaq shaqyrýǵa shekteý qoıylǵan bolatyn.


Joǵary qaraı