Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstanda sheteldikter úshin mindetti PTR-test júıesi qaıta engiziledi

2021 jyldyń 22 maýsym 2021 16:33

TAShKENT. QazAqparat – Ózbekstan elge keletinder úshin koronavırýsqa mindetti PTR-testileýdi qaıta engizýde. Mundaı sheshimdi jaqynda koronavırýsqa qarsy is-qımyl jónindegi arnaıy respýblıkalyq komıssııa qabyldady, dep habarlaıdy QazAqparat tilshisi.

«Sanıtarlyq-epıdemıologııalyq salaýattylyq jáne qoǵamdyq densaýlyq qyzmeti Ózbekstan Respýblıkasyna shekaralyq ótkizý pýnktteri arqyly kiretin barlyq adamǵa PTR-testileýdiń mindetti júıesin engizedi. Ózbekstan aýmaǵyna kirgennen keıin jeti kún ishinde PTR-test qaıta jasalýy kerek», – delingen vedomstvo habarlamasynda.

Esterińizge sala keteıik, buǵan deıin 15 naýryzdan bastap Ózbekstanda sońǵy 72 saǵat ishinde jasalǵan PTR-testileý alynyp tastalǵan edi.

Elde koronavırýs turaqty ósýi baıqalǵandyqtan, karantın sharalaryn qatańdatý sharalary qabyldandy. Tek ótken táýlikte koronavırýspen aýyratyn 427 naýqas anyqtaldy. Tashkent (163) jáne Tashkent oblysy (61) kósh bastap tur. Aýrýhanalarda kovıd jaǵdaıy rastalǵan 3571 naýqas bar.


Joǵary qaraı