Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstanda Prezıdenttik saılaý ótip jatyr

2021 jyldyń 24 qazan 2021 11:00

TAShKENT. UZA. QazAqparat - Ózbekstanda prezıdenttik saılaý bastaldy. 24 qazanda tańǵy saǵat Tashkent ýaqytymen 8:00-de respýblıkanyń barlyq saılaý ýchaskeleri memlekettik ánuranmen ashyldy, dep habarlaıdy QazAqparat Ózbekstannyń Uza.uz saıtyna silteme jasap.

Málimetterge súıensek, bıylǵy saılaýǵa eldegi uıymdastyrylǵan saılaý ýchaskelerinde jalpy 19 mıllıon 859 myń 127 saılaýshy tizimge engizilgen. Onyń ishinde 9 mıllıon 459 myń 273 nemese 48 paıyzy er adamdar, 10 mıllıon 399 myń 854 nemese 52 paıyzy áıelder. 6 mıllıon 458 myń 283 azamat 30 jasqa deıingi jastar bolyp, onyń 887 686-sy saılaýda alǵash ret daýys beredi.

Shet memleketterde jalpy 54 saılaý ýchaskesi ashylǵan. Olardaǵy saılaýshylar tizimine barlyǵy 299 780 azamat engizilgen.

Saılaý protsesin qadaǵalaýǵa halyqaralyq baıqaýshy retinde shetelden 971 azamat kelgen. Onyń ishinde 20-ǵa jýyq yqpaldy halyqaralyq uıym, EQYU Parlamenttik Assambleıasy men Demokratııalyq ınstıtýttar jáne adam quqyqtary jónindegi bıýro, Shanhaı yntymaqtastyq uıymy, Táýelsiz Memleketter Dostastyǵy men TMD Parlamentaralyq Assambleıasy, Túrkitildes memleketter yntymaqtastyǵy keńesi, Túrki keńesi Parlamenttik assambleıasy men Islam yntymaqtastyǵy uıymy jáne basqa da halyqaralyq uıymdardan barlyǵy 631, sondaı-aq álemniń 50-ge jýyq elinen 340 halyqaralyq baqylaýshy jaǵdaıdy tikeleı baqylaýda.

Azamattardyń daýys berý protsesi saǵat 20:00 -ge deıin jalǵasady.

Qazaqstandaǵy Nur-Sultan, Almaty jáne Aqtaý qalalaryndaǵy Ózbekstannyń dıplomatııalyq ókildikterinen saılaý ýchaskeleri ashyldy. Sondaı-aq barlyq oblystarda kóshpeli saılaý komıssııalary jumys isteıdi.
Basty sózder: Saılaý,
Joǵary qaraı