Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ózbekstanda Konstıtýtsııany jetildirý protsesi bastaldy

2022 jyldyń 17 mamyr 2022 22:31

TAShKENT. QazAqparat – Búgin Ózbekstannyń jetekshi saıası partııalary birlesken otyrysta el Konstıtýtsııasyn jetildirý protsesin bastaýǵa kelisti. Bul týraly Ózbekstan Respýblıkasy Ólıı Májilisi Zańnama palatasynyń baspasóz qyzmeti málim etti, dep habarlaıdy QazAqparat menshikti tilshisi.

Ózbekstannyń Lıberal-demokratııalyq partııasynyń depýtattary «Áreket strategııasynan – damý strategııasyna» qaǵıdasy boıynsha ázirlengen Jańa Ózbekstannyń 2022-2026 jyldarǵa arnalǵan damý strategııasyn júzege asyrýda Negizgi zań – Ózbekstan Respýblıkasynyń Konstıtýtsııasyn jetildirýdiń ózekti máni bar ekenin atap ótti.
«Mıllıı tıklanısh» demokratııalyq partııasy fraktsııasynyń músheleri ÓzLıDeP-tegi áriptesteri usynǵan Konstıtýtsııany jetildirý jónindegi usynysqa tolyq qoldaý bildirdi.
Depýtattar sondaı-aq Ózbekstan Respýblıkasynyń Konstıtýtsııasyn jetildirýge baǵyttalǵan naqty normalar ashyqtyq pen aıqyndyqty qamtamasyz ete otyryp, respýblıkanyń barlyq azamattarynyń usynystary men pikirleri negizinde qalyptastyrylýy tıis ekenin atap ótti.
Birlesken otyrystyń qorytyndysy boıynsha Ózbekstan Konstıtýtsııasyn jetildirý týraly máseleni Ólıı Májilisiniń Kengashı palatasyna engizý týraly sheshim qabyldandy.

Basty sózder: Álem, Ózbekstan, Konstıtýtsııa,
Joǵary qaraı