Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstanda epıdemıologııalyq ahýal nasharlap barady

2021 jyldyń 31 shilde 2021 17:41

TAShKENT. QazAqparat – Ózbekstanda koronavırýs pandemııasy bastalǵaly aýrýǵa shaldyǵýdyń táýliktik ósimi boıynsha rekordtyq kórsetkishter kún saıyn jańarýda, dep habarlaıdy QazAqparat menshikti tilshisi.

Ózbekstan Respýblıkasy Densaýlyq saqtaý mınıstrliginiń málimetinshe, ótken táýlikte elde koronavırýs juqtyrýdyń 924 jańa jaǵdaıy tirkelgen. Bul – pandemııa bastalǵaly tirkelgen eń joǵary kórsetkish. Sońǵy kúnderi COVID-19 juqtyrýshylar sany táýligine 897, 843 jáne 789 adamǵa jetip, kún saıyn antırekordtar jańardy.

Statıstıkaǵa sáıkes, aýrýǵa shaldyǵýdyń ótken jylǵy antırekordy 774 jaǵdaı bolǵan. Ol 2020 jyldyń 1 tamyzynda tirkelgen bolatyn.

Sondaı-aq kovıd pnevmonııasyn juqtyrǵandar sany da artýda. 559 adamda aýrý rastaldy. Bir kún buryn bul kórsetkish 556 naýqasty quraǵan bolatyn. Koronavırýstan kóz jumǵan patsıentterdiń sany 874 adamǵa jetti. Ótken táýlikte 8 ólim jaǵdaıy tirkelgen edi.

Eske sala keteıik, epıdemıologııalyq ahýaldyń nasharlaýyna baılanysty 28 maýsymnan bastap Ózbekstanda karantın sharalary kúsheıtildi. 17 shildede Koronavırýsqa qarsy is-qımyl jónindegi arnaıy komıssııa saýda, qoǵamdyq tamaqtaný, qyzmet kórsetý jáne bilim berý salalarynda jumys isteıtin 18 jastan asqan azamattardy, sondaı-aq áskerıler men quqyq qorǵaý organdarynyń qyzmetkerlerin mindetti vaktsınalaý týraly sheshim qabyldady.

Qazirgi ýaqytta Ózbekstan Respýblıkasynyń Parlamenti jumys isteıtin halyqty mindetti vaktsınalaý týraly zań jobasyn qarastyrýda.


Basty sózder: Vaktsına, Koronavırýs, Ózbekstan, Álem,
Joǵary qaraı