Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstan Senaty mindetti vaktsınalaý týraly zań jobasyn maquldady

2021 jyldyń 31 shilde 2021 19:13

TAShKENT. QazAqparat – Ózbekstan Respýblıkasy Olıı Májilisi jumys isteıtin turǵyndardyń koronavırýsqa qarsy mindeti vaktsınalanýyna quqyqtyq negiz beretin zań jobasyn maquldady, dep habarlaıdy «QazAqparat» HAA menshikti tilshisi.

Vedomstvonyń baspasóz qyzmetiniń habarlaýynsha, búgin plenarlyq otyrysta depýtattar Ózbekstan Respýblıkasynyń «Ózbekstan Respýblıkasynyń keıbir zańnamalyq aktilerine turǵyndardyń sanıtarlyq-epıdemıologııalyq jaǵdaıyn qamtamsyz etýge baǵyttalǵan ózgerister men tolyqtyrýlar engizý týraly» zańyn maquldady.

Qujat prezıdent qol qoıǵan soń jumys isteıtin turǵyndardy mindetti vaktsınalaý isine zańdy negiz qalaıdy. Osy qujattyń qabyldanýyna oraı «Azamattardyń densaýlyǵyn qorǵaý týraly» zań men Eńbek kodeksine túzetýler engiziledi.

Halyq qalaýlylarynyń pikirinshe, zań kúshine ense, qoldanystaǵy zańnamadaǵy qaıshylyqtar joıylyp, turǵyndardy jappaı vaktsınalaý jumysyn uıymdastyrýdyń zańdy negizderin nyǵaıady.

Aıta keteıik, respýblıkada epıdemıologııalyq jaǵdaıdyń kúrdelenýine baılanysty 17 shilde kúni Koronavırýs boıynsha arnaıy komıssııa saýda, qoǵamdyq tamaqtaný, qyzmet kórsetý, bilim berý salalarynda jumys isteıtin 18 jastan asqan azamattardy mindetti vaktsınalaý jóninde sheshim qabldady. Vaktsınalaýǵa atalǵandarmen qatar áskerıler men quqyq qorǵaý organynyń ókilderi de jatady. Osy maqsatta azamattardyń atalǵan kategorııalary saýyqtyrý ekpeleriniń Ulttyq kúntizbesine engizildi.

Mádıbek Jánibekov


Joǵary qaraı