Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Otyrǵyzylǵan kóshetterdiń qansha paıyzy jersinip ketedi: Mınıstrlik jaýaby

2021 jyldyń 7 jeltoqsan 2021 19:06

NUR-SULTAN. QazAqparat – El aýmaǵynda jyl saıyn kóktem men kúzde aǵash otyrǵyzý aktsııasy qarqyndy júrip keledi. Osy oraıda sol otyrǵyzylǵan aǵash túpteriniń qansha paıyzy jersinip, nátıjesin berip jatyr? Bul suraqqa QR Ekologııa, geologııa jáne tabıǵı resýrstar vıtse-mınıstri Álııa Shalabekova jaýap berdi, dep habarlaıdy QazAqparat tilshisi.

«Bizdegi otyrǵyzylǵan aǵash túpteriniń jersiný kórsetkishi 65% quraıdy. Eger jyl qurǵaq nemese qatty aıaz bolsa, onda kóshetter óspeı qalýy múmkin. Óspeı qalǵan jaǵdaıda ol jerde sol aǵash nemese basqa ósimdik túri otyrǵyzylady. Osy jaıttardy eskere kele biz 65% dep boljam otyrmyz. Jalpy egilgen aǵash kóshetiniń tirshiligin jalǵastyrýy klımattyq jaǵdaılarǵa baılanysty», - dedi A.Shalabekova Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, búginde el aýmaǵynda negizinen sekseýil, qaraǵaı, qaıyń, shegirshin jáne taǵy aǵash túrleri otyrǵyzylyp jatyr.

«Mysaly, sekseýildi alsaq onyń jersinýi qıyn, shamamen 20-25% ǵana ulasyp ósip ketedi. Ózderińiz biletindeı, atalǵan aǵash túri shóleıtti aýmaqtarda ósedi. Sondaı-aq, biz búginde Aral teńiziniń qurǵap qalǵan ornynda aǵash otyrǵyzýmen aınalysyp jatyrmyz. Ol jerde sekseýildiń jersinip ketý kórsetkishi 20-25% aspaıdy», - deıdi ol.

Sondaı-aq, vıtse-mınıstr otyrǵyzylǵan aǵash kóshetteriniń ósýi kútimge de baılanysty ekenin aıtyp ótti.


Joǵary qaraı