Aýa raıy
Astana -18 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Otyrar turǵyny karantınge qaramastan 60 adamnyń basyn qosyp, kókpar uıymdastyrǵan

2020 jyldyń 24 qarasha 2020 10:28

OTYRAR. QazAqparat - Túrkistan oblysynyń polıtseıleri karantınge qaramastan kókpar ótkizgen turǵyndy jaýapqa tartty, dep habarlaıdy QazAqparat obylstyq polıtsııa departamentine silteme jasap.

Túrkistan oblysynda karantın talaptaryn saqtalýy tıisti organdardyń qatań baqylaýynda. Onyń ishinde Túrkistan oblysy polıtsııa departamentiniń qyzmetkerleri arnaıy qurylǵan mobıldi toptarmen júıeli túrde jumys júrgizýde.

Máselen, Otyrar aýdanynyń polıtseıleri karantındik rejım men sanıtarlyq-epıdemıologııalyq normalardy buzyp, kókpar uıymdastyrǵan turǵyndy anyqtady.

Naqtyraq aıtsaq, Qarǵaly aýyldyq okrýgine qarasty «Qanttoǵaı» aýmaǵynda jergilikti turǵyn «Bata kókpar» jasaǵan. Mobıldi top birden shoǵyrlanǵan adamdar tobyn tarqatty.

Tártip saqshylary is-sharaǵa qatysýshylarǵa karantın talaptaryna jol bermeý týraly túsindirý áńgimelerin ótkizdi.

Sondaı-aq shekteý sharalaryn buza otyryp, 60-tan astam adamdy jınaǵan kókpar uıymdastyrýshysyn jaýapqa tartty.

Oǵan qatysty QR ÁQBtK 425-baby boıynsha ákimshilik hattama toltyrdy. Jınalǵan materıaldar tıisti zańdy sheshim qabyldaý úshin quzyretti organdarǵa jiberildi.

Esterińizge sala keteıik, Bas memlekettik sanıtar dárigerdiń qaýlysyna sáıkes Túrkistan oblysynyń aýmaǵynda halyq arasynda koronavırýstyq ınfektsııanyń taralýynyń aldyn alýǵa jáne jolyn kesýge baǵyttalǵan karantın rejımi engizilgen.


Joǵary qaraı