Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ótken táýlikte Almaty oblysynda 34 adamnan koronavırýs anyqtaldy

2021 jyldyń 29 qarasha 2021 11:43

TALDYQORǴAN. QazAqparat - Ótken táýlikte Almaty oblysynda 34 adamnan koronavırýs anyqtaldy, - dep habarlaıdy QazAqparat tilshisi.

Sonyń ishinde Taldyqorǵan qalasynda 14 jaǵdaı, Alakól aýdanynda – 5, Qarasaı jáne Panfılov aýdandarynda 3 jaǵdaıdan, Qaratal, Talǵar jáne Uıǵyr aýdandarynda 2 jaǵdaıdan, Aqsý, Іle aýdandary men Tekeli qalasynda 1 jaǵdaıdan tirkeldi.

Sondaı-aq ótken táýlikte 41 adam emdelip shyqty. Óńir «jasyl» aımaqta.

«29.11.2021 jylǵy jaǵdaı boıynsha óńirde 829 adam statsıonarlyq em qabyldaýda. Bir táýlikte aýrýhanalarǵa 46 adam tústi. Óńirdiń aýrýhanalaryndaǵy tósek oryndar sany – 1790. Sońǵy 3 kúnde 5612 adamnyń koronavırýstyq synamalary zerthanalarda tekserildi»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.

Vedomstvonyń aqparatyna sáıkes, Almaty oblysy boıynsha koronavırýsqa qarsy vaktsınanyń 1-shi komponentin alǵandar sany – 856 345 adam. Sonyń ishinde ótken kúni ekpe alǵandar sany – 656. Ekpeniń 2-shi komponentin alǵandar sany – 782 802. Sonyń ishinde ótken kúni ekpe alǵandar sany – 663 adam.


Avtor Samal Qabysheva
Basty sózder: Medıtsına, Almaty oblysy,
Joǵary qaraı