Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Otandyq ǵalym ázirlegen gıdrogel kómegimen 15 adamǵa ota jasaldy

2022 jyldyń 26 mamyr 2022 17:15

NUR-SULTAN. QazAqparat – Qazaqstandyq ǵalymdar ázirlegen biregeı fıbrındi gıdrogeldi qoldaný arqyly 15 adamǵa tize býynynyń shemirshegin qalpyna keltirý operatsııasy jasaldy, dep habarlaıdy QazAqparat QR Bilim jáne ǵylym mınıstrligine silteme jasap.

«Úsh aı ishinde fıbrındi gıdrogeldiń klınıkalyq synaqtary aıasynda 15 eriktige ota jasadyq. Patsıentterdiń kópshiligi - býyndarynda jasyna baılanysty ózgeristeri bar adamdar. Operatsııa 15 mınýttan 25 mınýtqa deıin sozylady. Sondaı-aq, barlyq operatsııa shtattyq rejımde jasaldy. Naýqastardyń saýyǵý kezeńi alty aıǵa sozylady, biraq egde jastaǵy naýqastar úshin qalypqa kelý ýaqyty uzaǵyraq bolýy múmkin. Osy kezeń ótkennen keıin alǵashqy nátıjelerdi jarııalaı alamyz», - dedi qazaqstandyq ǵalym, Ulttyq bıotehnologııalyq ortalyq diń jasýshalary zerthanasynyń meńgerýshisi Vıacheslav Ogaı .

Ǵalymdardyń aıtýynsha, uqsas dıagnozdarmen emdeýdiń birneshe ádisi bar, biraq gıdrogeldi qoldaný - zaqymdanǵan býyndar men shemirshekti tolyǵymen qalpyna keltirýge múmkindik beretin jalǵyz ádis. Ol QR BǴM ǵylymdy maqsatty qarjylandyrýdyń 2021-2022 jyldarǵa arnalǵan baǵdarlamasy aıasynda ázirlengen. Jobaǵa Ulybrıtanııa elshiligi qyzyǵýshylyq tanytyp otyr.

Klınıkalyq synaqtar akademık N. Batpenov atyndaǵy Travmatologııa jáne ortopedııa ulttyq ǵylymı ortalyǵynda naýryz aıynda bastaldy.

Zertteýdiń alǵashqy eki kezeńi osy jyldyń sońyna deıin jalǵasady. Keıin birneshe ortalyqta klınıkalyq synaqtar ótkiziledi. Nátıjesinde bıomedıtsınalyq preparat tirkelip, ony jappaı óndirý jáne qoldanýǵa múmkindik paıda bolady degen jospar bar. Protsedýra aqyly da, kvota boıynsha tegin de jasalmaq.


Joǵary qaraı