Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Óskemennen Qyzylordaǵa kelip, qańǵybas bolyp ketken áıel aman-esen tabyldy

2020 jyldyń 23 qarasha 2020 03:00

QYZYLORDA. QazAqparat - Polıtseıler tamyz aıynan beri habarsyz ketken óskemendik áıeldiń Qyzylordada qańǵybastyqqa salynǵanyn anyqtady, dep habarlaıdy QazAqparat tilshisi.

Óskemendik áıeldiń Qyzylorda qalasyndaǵy saýda úıiniń birinde júrgeni belgili boldy. Tekserý barysynda 1984 jyly dúnıege kelgen azamatshanyń Óskemen qalasynda turatyny naqtylandy. Ol tamyz aıynda úıinen shyǵyp ketken. Sodan beri týysqandarynan habarsyz qalǵan. Aldymen Aqtóbe qalasynda aspazshy bolyp istegen azamatsha kóp uzamaı jumystan shyǵyp qalǵan. Sodan keıin Qyzylorda qalasyna kelgen. Jeke qujattaryn joǵaltyp, ishimdikke salynyp ketken.

«Sońǵy kúnderde Qyzylordada kún yzǵarly bolyp tur. Polıtseıler tońyp qalǵan azamatshany dereý polıtsııa pýnktine jetkizdi. Ol qalalyq áleýmettik beıimdeý ortalyǵynda tamaq jáne qajetti medıtsınalyq dári-dármektermen qamtamasyz etildi. Polıtsııa qyzmetkerleri óskemendik áriptesterimen baılanysqa shyǵyp iz-túzsiz joǵalǵan áıeldiń aman-esen tabylǵanyn habarlady. Jaqyn arada áıeldiń týystary kelip úıine alyp qaıtady», - dedi oblystyq polıtsııa departamentiniń baspasóz qyzmeti.

Qyzylorda qalalyq basqarmasy oblys ortalyǵynda «Qańǵybas» is-sharasyn ótkizýde. Shara aıasynda ýchaskelik polıtsııa ınspektorlary qıyn jaǵdaıǵa ushyraǵan azamattarǵa kómek kórsetýde.

Esterińizge sala ketelik, Qyzylordada qańǵybastyqqa salynǵan adamdarǵa kómek kórsetildi.


Avtor Ádiljan Úmbet
Basty sózder: Qyzylorda oblysy, Oqıǵa,
Joǵary qaraı