Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende vaktsına alǵandar arasynda baǵaly syılyqtar oınatylmaq

2021 jyldyń 11 qyrkúıek 2021 14:40

ÓSKEMEN. QazAqparat – Óskemen qalasynda koronavırýsqa qarsy vaktsına alǵandar arasynda smartfondar men turmystyq tehnıkalar oınatylady, dep habarlaıdy QazAqparat tilshisi.

Qala ákimdiginiń málimetinshe, utys oıyny COVID-19 ınfektsııasyna qarsy vaktsınanyń I komponentin qyrkúıektiń 10-25 aralyǵynda alǵan 18 jastan asqan Óskemen turǵyndary arasynda ótkiziledi. Qatysýshylar «iPhone» jáne «Samsung» smartfondaryn, teledıdar, tońazytqysh, noýtbýk nemese mıkrotolqyndy pesh utyp ala alady.

«Utys oıynyna qatysý úshin vaccine-uk.kz saıtyna kirip, tolyq aty-jónińizdi, uıaly telefon nómirińizdi jáne vaktsına alǵan jerdi kórsetýińiz kerek. Talap boıynsha qatysýshy Óskemendegi emhanalardyń birine tirkelgen bolýy shart», - delingen aqparatta.

Jeńimpazdar 26 qyrkúıekte saǵat 18.00-de Instagram-daǵy@akimatoskemen paraqshasynda tikeleı efırde anyqtalmaq.


Joǵary qaraı