Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende úıden qashqan 15 jastaǵy qyz bir aıdan keıin Almatydan tabyldy

2021 jyldyń 22 qyrkúıek 2021 21:55

ÓSKEMEN. QazAqparat – Óskemende 15 jastaǵy qyz Almatyǵa qashyp ketken, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetinshe, polıtsııaǵa júgingen áıel adam kámeletke tolmaǵan qyzyn taýyp berýdi suraǵan. Onyń aıtýynsha, 15 jastaǵy Oksana 27 maýsymda saǵat 07.00-de úıden shyǵyp, joǵalyp ketken.

«Anasy qyzynyń áleýmettik jeli arqyly bir jigitpen tanysyp, Almaty qalasyna qashyp ketkenine senimdi bolǵan. Telefonyna qońyraý shalǵanynda ol úıge qaıtýǵa úzildi-kesildi bas tartqan. Polıtsııa qyzmetkerleri kámeletke tolmaǵan qyzdy tabý úshin izdestirý sharalaryn qolǵa aldy», - dedi basqarma bastyǵy Andreı Mýla.

Tártip saqshylary 8-synyp oqýshysynyń shamamen ornalasqan jerin anyqtaǵannan keıin Almaty qalasyna jolǵa shyqty. Іzdeýge kámeletke tolmaǵandar isi jónindegi ýchaskelik ınspektor Qaırat Ótepbaev pen krımınaldyq polıtsııa bóliminiń jedel ýákili Nurtas Bolatov attanǵan.

«Anyqtalǵan mekenjaıǵa kelgende Oksana joq bolyp shyqty. Olar bul úıdi jalǵa alǵan eken. Qandaı da bir aqparat alý úshin sol mańdaǵy barlyq adamdardan joǵalǵan qyz týraly surap shyqtyq. Kórshilerdiń aıtýynsha, jasóspirim qyz Túrksib aýdanyna ketken», - dedi Qaırat Ótepbaev.

Onyń aıtýynsha, basty mindet – kámeletke tolmaǵan balany tez taýyp, anasyna qaıtarý boldy. Sol úshin polıtseıler bar kúsh-jigerin jumsaǵan. Óıtkeni qyz úıinen tym alysta beıtanys adamdarmen júrgen.

«Áıteýir, Oksanany aıaldamalardyń birinen taptyq. Qyz áleýmettik jelidegi jigit týraly eshteńe aıtpady. Jaı ǵana Almatyda ómir súrgisi kelgendigin alǵa tartty. Alaıda anasy qarsy bolǵandyqtan qashyp ketýge májbúr bolǵanyn jetkizdi», - dedi tártip saqshysy.

Polıtsııa qyzmetkerleri osy oqıǵaǵa oraı tekserý jumystaryn jalǵastyrmaq.


Joǵary qaraı