Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende úı almaq bolǵan zeınetker alaıaqqa 1 mln teńge bergen

2021 jyldyń 23 aqpan 2021 02:48

ÓSKEMEN. QazAqparat – Óskemen qalasynda zeınetkerdi aldap soqqan 36 jastaǵy er adam ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, ózin elektrık retinde tanystyrǵan alaıaq 84 jastaǵy zeınetkerdiń páterine kelgen. Úsh kún boıy ol elektr qýatyn teksergendeı keıip tanytyp, qart kisiniń senimine kirdi.

«Osydan keıin er adam keıýanaǵa qıyn jaǵdaıǵa tap bolǵanyn jáne páterin 2 mıllıon teńgege satyp jatqanyn aıtqan. Aldyn ala jalǵa alǵan úıdi kórsetip, satyp alýǵa usynys jasady. Buǵan sengen zeınetker páterdi alatyndyǵyn jetkizgende alaıaq odan alǵashqy tólem retinde 1 mln teńge berýin suraǵan. Qart kisi esh oılanbastan bankten nesıe alyp aqshany alaıaqtyń qolyna ustatady», - delingen habarlamada.

Polıtsııa qyzmetkerleri «Sergek» beınebaqylaý júıesiniń kómegimen er adamdy qolǵa túsirdi. Tergeý barysynda ol kinásin moıyndady. Biraq kúdiktiniń qaltasynan tek 120 myń teńge tabyldy. Onyń aıtýynsha, bir kún buryn 250 000 teńgege «VAZ» kóligin satyp alyp, qalǵan aqshany jumsap jibergen.

Qazirgi ýaqytta Qylmystyq kodekstiń 190-baby (Alaıaqtyq) boıynsha sotqa deıingi tergeý amaldary júrgizilip jatyr.


Joǵary qaraı