Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende tútin tumshalaǵan kópqabatty úıden 3 adam qutqaryldy

2021 jyldyń 12 mamyr 2021 22:20

ÓSKEMEN. QazAqparat – Óskemen qalasynda tútin tumshalaǵan kópqabatty úıden 3 adam qutqarylyp, 10 adam evakýatsııalandy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, búgin kópqabatty turǵyn úıdiń 7-shi qabatynda ornalasqan eseptegishtiń qysqa tuıyqtalýy saldarynan podez ishin kók tútin tumshalaǵan. Sol jerge jedel kelgen qutqarýshylar birinshi kezekte 9 turǵyn men 1 balany evakýatsııalady.

«Ottegi maskalarynyń kómegimen úsh adam qutqarylyp, qaýipti aımaqtan shyǵaryldy. Onyń ishinde bir bala bar. Tútin 7-men 9-qabat aralyǵyna tarady. Órt sóndirýshiler kelgenge deıin 1986 jyly týǵan azamattardyń biri keýdesin kúıdirip alǵan. Belgili bolǵandaı, páterde elektr qýaty sónip qalǵan kezde ol avtomattan qospaq bolǵan. Jedel járdem dárigerleri zardap shekken turǵyndy aýrýhanaǵa jetkizdi», - dep habarlady vedomstvo ókilderi.

Aıta keteıik, oqıǵa ornyna departamenttiń jeke quramynan 29 adam men 9 tehnıka jumyldyrylǵan.


Joǵary qaraı