Aýa raıy
Astana 15 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

Óskemende maska kıip, qolyna pyshaq ustaǵan 24 jastaǵy jigit dúken tonamaq boldy

2020 jyldyń 2 shilde 2020 11:42

ÓSKEMEN. QazAqparat - Shyǵys Qazaqstan oblysynyń ortalyǵynda 24 jastaǵy jigit dúken tonaımyn dep qolǵa tústi, dep habarlaıdy QazAqparat.

Oqıǵa 28 maýsym túngi saǵat 23:45 shamasynda Gagarın býlvarynyń boıyndaǵy dúkenderdiń birinde bolǵan.

Dúkenge betine maska kıip, qolyna pyshaq ustaǵan er adam kirip satýshyny qorqytyp, kassadaǵy aqshany alyp, qashpaqshy bolǵan. Satýshy tez arada «102» arnasyna habarlap úlgeredi. Shaqyrtýǵa tez arada jetken polıtsııa qyzmetkerleri satýshynyń sıpattamasy boıynsha sol mańnan kóp uzaı qoımaǵan 24 jastaǵy jigitti qolǵa túsirdi.

Bul oqıǵa boıynsha atalǵan azamatqa qatysty QR QK 191-baby boıynsha sotqa deıingi tergeý júrip jatyr.



Basty sózder: Oqıǵa, Shyǵys Qazaqstan oblysy,
Joǵary qaraı