Aýa raıy
Astana 6 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende kópqabatty úıden órt shyǵyp, 30 adam evakýatsııalandy

2020 jyldyń 18 qyrkúıek 2020 11:02

ÓSKEMEN. QazAqparat – Óskemen qalasynda órt shyqqan kópqabatty turǵyn úıden 30 adam qaýipsiz jerge kóshirildi, dep habarlaıdy QazAqparat tilshisi.

Shyńys Qazaqstan oblystyq Tótenshe jaǵdaılar departamenti baspasóz qyzmetiniń málimetine súıensek, 17 qyrkúıek kúni túngi saǵat 23:00-der shamasynda Býrova kóshesindegi kópqabatty úıde qyzyl jalyn shyqqan. Tilsiz jaý birinshi qabat balpaldaǵyndaǵy elektrqalqandy sharpydy.

Oqıǵa ornyna kelip jetken №6 órt sóndirý bóliminiń órt sóndirýshileri eń aldymen turǵyndardy evakýatsııalaýǵa kiristi. Qutqarýshylar tútin basqan podezden 30 turǵyndy, onyń ishinde bes balany syrtqa shyǵarǵan.

«Jalpy aýmaǵy 0,5 sharshy metrdi quraǵan órt saǵat 23:20-da sóndirildi. Elektr eseptegishiniń plastıkalyq bólshekteri janǵan. Zardap shekkender bolǵan joq», - dep habarlady vedomstvo ókilderi.

Órttiń shyǵý sebebi – elektr jabdyqtaryn paıdalaný kezinde qaýipsizdik erejelerin saqtamaýdan bolýy múmkin.


Joǵary qaraı