Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende kóligine esirtki tyǵyp, saýdalaǵan 38 jastaǵy er adam ustaldy

2021 jyldyń 16 qazan 2021 07:29

ÓSKEMEN. QazAqparat – Óskemen qalasynda polıtsııa qyzmetkerleri esirtki saýdasymen aınalysqan er adamdy ustady, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, tártip saqshylary 38 jastaǵy azamattyń kóligin tintý barysynda oryndyqtyń artyndaǵy qaltashadan polımerli túıinshekti tapqan.

«Saraptama qorytyndysyna sáıkes, tárkilengen zat jalpy salmaǵy 52,75 gramdy quraıtyn keptirilgen marıhýana bolyp shyqty. Sondaı-aq kúdiktiniń páterin tintý barysynda jatyn bólmedegi tósek astynan 30,36 gramm marıhýana men 15,30 gramm gashısh tabylǵan», - delingen aqparatta.

Er adam óz sózinde esirtkini qoldanbaıtynyn, satý úshin tasymaldaǵanyn jetkizdi.

Atalǵan fakti boıynsha QR QK-niń 297-baby 2-bóligine sáıkes sotqa deıingi tergeý amaldary bastaldy.













Joǵary qaraı