Óskemende avtobýs júrgizýshileri bir kúnde 50 ret zań buzǵan

ÓSKEMEN. QazAqparat – Óskemen qalasynda «Avtobýs» jedel aldyn alý sharasynyń birinshi kúninde 50-ge jýyq ákimshilik quqyq buzýshylyq anyqtaldy, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetine súıensek, 9 júrgizýshi memlekettik nemese mindetti tehnıkalyq tekserýden ótpese, 7 júrgizýshi manevr jasaý erejelerin buzǵan.

«Kólik quralyn basqarý kezinde telefon paıdalanýdyń 4 faktisi tirkeldi. Sondaı-aq tehnıkalyq baıqaýdan ótpegen bir avtobýs arnaıy avtoturaqqa qoıyldy», - dep habarlady vedomstvo ókilderi.

Aıta keteıik, «Avtobýs» jedel aldyn alý sharasy 20-22 qańtary aralyǵynda júrgizilýde. Osy ýaqyt aralyǵynda polıtsııa qyzmetkerleri men Ekologııa jáne kóliktik baqylaý ınspektsııasy departamentiniń ókilderi qoǵamdyq kólikterdi jiti tekseredi.