Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende 5 jasar ulynyń joǵalyp ketkendigi jaıly jalǵan habar bergen áıel jazalandy

2021 jyldyń 1 tamyz 2021 18:59

ÓSKEMEN. QazAqparat – Óskemen qalasynyń turǵyny polıtsııaǵa 5 jasar ulynyń joǵalyp ketkendigi jaıly jalǵan habar bergeni úshin jaýapqa tartyldy, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetine súıensek, polıtsııaǵa habarlasqan áıel adam kishkentaı ulynyń joǵalyp ketkendigine shaǵymdanǵan.

«Óz sózinde ol 5 jasar Mıshanyń Qazaqstan kóshesindegi «Dóner» dámhanasynyń oıyn alańynda júrgenin aıtty. Sodan keıin áıel balasyn «Elektr taýarlary» dúkeniniń mańynda turatyn burynǵy kúıeýiniń alyp ketýi múmkin ekendigin alǵa tartty. Biraq polıtsııa qyzmetkerlerine naqty meken-jaıdy aıta almaǵan», - dep habarlady vedomstvo ókilderi.

Sózden birneshe ret jańylǵan azamatsha araǵa biraz ýaqyt salyp aryz bergen kezde mas bolǵandyǵyn, ulynyń múlde joǵalmaǵandyǵyn jetkizdi. Sol úshin tártip saqshylary oǵan qatysty QR ÁQBtK-niń 438-baby 1-bóligimen (Arnaýly qyzmetterdi kórineý jalǵan shaqyrý) ákimshilik hattama toltyrdy.


Joǵary qaraı