Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende 200 myńnan astam adam vaktsına aldy

2021 jyldyń 18 qazan 2021 21:48

ÓSKEMEN. QazAqparat – Óskemen qalasynda koronavırýsqa qarsy vaktsına alǵandar sany 200 myńnan asty, dep habarlaıdy QazAqparat tilshisi.

Qala ákimdiginiń málimetine súıensek, kún saıyn COVID-19 ınfektsııasyna qarsy ekpe alǵandar sany artyp keledi.

«Qazirgi ýaqytta shahar turǵyndary úshin «Spýtnık V», «Vero Cell» jáne otandyq «QazVac» vaktsınalary qoljetimdi. Sońǵy málimetterge sáıkes, qala boıynsha 215 263 adam vaktsına saldyrǵan. Ekpe – qaýipti dertti jeńýdiń jalǵyz joly ekendigin umytpaıyq. Vaktsına alǵan adam vırýs juqtyrsa da aýrýdy jeńil ótkeredi», - delingen aqparatta.

Ekpeni medıtsınalyq mekemelerde, keıbir saýda ortalyqtarynda jáne jyljymaly pýnktterde alýǵa bolady.

Esterińizge sala keteıik, osyǵan deıin Óskemende vaktsına alǵandar arasynda turmystyq tehnıka oınatylatyny habarlanǵan.


Joǵary qaraı