Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemen turǵynynyń 8 mln teńgesin aldap alǵan «rıeltor» ustaldy

2021 jyldyń 30 qarasha 2021 14:12

ÓSKEMEN. QazAqparat – Óskemen qalasynyń turǵyny ózin rıeltor retinde tanystyrǵan alaıaqqa aldanyp qalǵan, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetine súıensek, tártip saqshylaryna 58 jastaǵy azamat júgingen. Onyń aıtýynsha, ózin rıeltor retinde tanystyrǵan áıel adam páter alý úshin aldyn ala tólem retinde 8 mln teńge surady. Buǵan sengen shahar turǵyny sol aqshany bere salǵan.

«Alaıaq jábirlenýshige úıdi brondaýǵa jáne qysqa merzimde mámile jasasýǵa qarajat kerektigin aıtyp aldady. Biraq aqsha qolyna tıgennen keıin múlde habar-osharsyz ketken. Atalǵan fakti boıynsha polıtsııa qyzmetkerleri 31 jastaǵy óskemendikti qolǵa túsirdi», - dedi basqarma bastyǵy Andreı Mýla.

Qazirgi ýaqytta oǵan qatysty QR Qylmystyq Kodeksiniń 190-baby 3-bóligine (Alaıaqtyq) sáıkes sotqa deıingi tergeý amaldary bastaldy.


Joǵary qaraı