Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Óskemen polıtseıleri joǵalyp ketken 9 jasar qyzdy tapty

2022 jyldyń 18 qańtar 2022 14:01

ÓSKEMEN. QazAqparat – Óskemen qalasynyń polıtsııa qyzmetkerleri joǵalyp ketken 9 jasar qyzdy tapty, dep habarlaıdy QazAqparat tilshisi.

Qalalyq PB baspasóz qyzmetiniń málimetinshe, Ertis polıtsııa bólimine júgingen 43 jastaǵy azamat kámeletke tolmaǵan qyzynyń joǵalyp ketkenin aıtty.

Óz sózinde ol balasynyń tús kezinde úı aýlasynan belgisiz jaqqa bettep, osy ýaqytqa deıin oralmaǵanyn jetkizdi.

Oqıǵa ornyna jedel-tergeý toby jiberilgen.

«Kámelettik jasqa tolmaǵandar isi jónindegi ýchaskelik polıtsııa qyzmetkerleri júrgizgen jedel-izdestirý sharalary barysynda 9 jasar qyzdyń júrgen jeri birneshe saǵat ishinde anyqtalǵan. Belgili bolǵandaı, oqýshy qurbysymen birge aýladan shyǵyp, qaladaǵy bazarlardyń birinde júrgen», - dedi basqarma bastyǵy Andreı Mýla.

Tártip saqshylary balany aman-esen ata-anasyna jetkizdi. Qyzdyń anasy jedel áreket etken polıtsııa qyzmetkerlerine óz alǵysyn bildirdi.



Joǵary qaraı