Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemen avtobýstarynda elektrondy bıletteý júıesi aqpanda iske qosylady

2021 jyldyń 15 qańtar 2021 17:33

ÓSKEMEN. QazAqparat – Óskemen qalasyndaǵy qoǵamdyq kólikterde elektrondy bıletteý júıesi aqpan aıynda iske qosylmaq, dep habarlaıdy QazAqparat tilshisi.

Esterińizge sala ketsek, osyǵan deıin Óskemende avtobýstar men tramvaılarda elektrondy bıletteý júıesiniń engiziletindigi týraly jazǵan bolatynbyz.

Búginde shahardaǵy qoǵamdyq kólikterge qolma-qol aqshasyz esep aıyrysýǵa qajetti jabdyqtar ornatyldy. Jospar boıynsha jańa júıe 2021 jyldyń qańtarynda iske qosylýǵa tıis edi. Alaıda belgili bir sebeptermen kelesi aıǵa shegerilip otyr.

«Áýelde elektrondy bıletteý júıesin ótken jyldyń qazan aıynda iske qosý josparlanǵan. Biraq sodan keıin jumys birneshe kezeńge bólindi. Óńirimiz koronavırýstyń taralý qarqyny boıynsha «qyzyl aımaqqa» kirýine baılanysty júıeniń engizilýi taǵy da shegerildi», - dedi qala ákiminiń keńesshisi Álibek Tursymbetov.

Onyń aıtýynsha, aqpan aıynda elektrondy bıletteý júıesi iske qosylýy tıis.


Joǵary qaraı