Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Óskemen-Altaı» tasjolyndaǵy jóndeý jumystary tym baıaý - Danıal Ahmetov

2021 jyldyń 14 qyrkúıek 2021 16:29

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov «Óskemen-Altaı» tasjolyndaǵy jóndeý jumystarynyń tym uzaqqa sozylyp ketkendigin aıtty, dep habarlaıdy QazAqparat tilshisi.

Aımaq basshysy Jolaýshylar kóligi jáne avtomobıl joldary basqarmasy jáne «Qazaqavtojol» JShS ókilderimen keńes ótkizdi. Qazir óńirde respýblıkalyq jáne oblystyq mańyzy bar joldardy jóndeý jáne rekonstrýktsııalaý úshin birqatar joba iske asyrylyp jatyr.

«Osy jumystardyń tıimdiligi men sapasyn baǵalaý óte mańyzdy. 2022 jylǵa jáne odan keıingi jyldarǵa arnalǵan jobalardy daıyndaý qajet. «Óskemen-Altaı» tasjolynyń Oktıabrskıı aýylynan keıingi ýchaskesinde jóndeý jumystary tym baıaý júrgizilip jatyr. Jazda oblysqa avtokólikpen kelgen týrıster jol azabyn tartty. Bulaı sozýǵa bolmaıdy. Men «Qazaqavtojol» kásipornyna naqty jumys kestesin ázirleýdi tapsyrdym», - dedi Danıal Ahmetov.

Onyń aıtýynsha, Zaısan aýdanyna aparatyn respýblıkalyq tasjoldyń jumysyna qatysty qytaılyq merdiger kompanııa men qazaqstandyq qosalqy merdiger kompanııa arasyndaǵy daýlardy sheshý qajet.

«Osınov asýyn» aınalyp ótetin jol qurylysynyń máselesine keletin bolsaq, bul respýblıkalyq joba. Buǵan múmkindiginshe tezirek jańa tender jarııalaý kerek. QR Indýstrııa jáne ınfraqurylymdyq damý mınıstrliginiń Avtomobıl joldary komıteti málimdegendeı, jobaǵa túzetý engizilgen. Jol qurylysy jumystaryn aıaqtaýǵa 12 mıllıard teńge bólindi. Konkýrs jarııalanyp, onyń qorytyndysy boıynsha merdiger anyqtalýy tıis», - dedi oblys ákimi.

Kelesi jyly Katonqaraǵaı aýdanynda tórt aǵash kópirdi temir beton kópirge aýystyrý jumystary bastalmaq. Úsh jyl burynǵy jobalarǵa birqatar túzetý engiziledi.

«Omby – Maıqapshaǵaı» tasjolyn, Qaınar aýylyna aparatyn joldy, «Aqsýat – Aıagóz» jáne «Áýezov – Shar» ýchaskelerindegi jóndeý jumystaryn aıaqtaý kezek kúttirmeıtin másele. Bizge alda atqarylýy tıis jobalardy josparlaý úshin naqty jumys kestesi qajet. Eń aldymen aımaqtyń belgili bir avtomobıl joldaryndaǵy qozǵalys qarqyndylyǵyn eskerý kerek», - dedi Danıal Ahmetov.



Joǵary qaraı