Aýa raıy
Astana -17 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Óskemen ákimi jelide halyq narazylyǵyn týdyrǵan habarlamasyna túsinikteme berdi

2020 jyldyń 26 qazan 2020 21:18

ÓSKEMEN. QazAqparat – Óskemen qalasynyń ákimi Jaqsylyq Omar Instagram jelisindegi jeke paraqshasyndaǵy jazbasyna qatysty túsinik berdi. Ol paraqshasyna pikir qaldyrǵan jeli qoldanýshysyna «osy sóziń úshin jaýap beresiń» dep jazǵan bolatyn, dep habarlaıdy QazAqparat tilshisi.

Sandra_ouz búrkenshik esimdi azamat Óskemen qalasy ákiminiń «osy sóziń úshin jaýap beresiń» dep jazǵanyn skrınshotqa túsirip jelige jarııalaǵan. Onyń jazýynsha, tanysynyń synı pikirine qatysty qala basshysy osyndaı habarlama jibergen.

Kóp uzamaı Jaqsylyq Omar ne sebepti solaı jazǵanyn túsindirdi.

«Keshe áleýmettik jelide meniń jeke basyma qatysty eshqandaı faktilerge súıenbeı, qur emotsııamen jazylǵan pikirdi kórdim. Meni qala basshysy retinde ekijúzdi dep aıyptaý qorlyq dep sanaımyn. Árıne, ózimniń ar-namysyma tıgen mundaı dálelsiz sózdi eleýsiz qaldyra almaımyn. Onyń ústine, sol adamǵa bireýdi qorlaýdyń jaýapkershiligi bolatyndyǵy týraly eskertkenmin. Al ol muny qorqytý dep qabyldady. Men árdaıym dáleldi, negizi bar talaptardy tyńdaýǵa daıynmyn. Biraq barlyǵyńyz sııaqty jeke basyma qatysty qorlyqqa shydaı almaımyn», - dedi ol.

Ákim óziniń jazbasyna pikir qaldyrǵan azamatty zań aıasynda jaýapqa tartqysy keletindigin jetkizdi.

«Mundaı qorlyq atqarýshy bılik pen halyq arasyndaǵy tıimdi dıalogqa jat. Bul oqıǵaǵa túsinistikpen qarap, obektıvti baǵa beredi dep senemin», - dedi Jaqsylyq Omar.


Joǵary qaraı