Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Osakarovta 13 jas kásipkerge aýdan ákiminiń granty tabys etildi - Qaraǵandy oblysy

2021 jyldyń 3 qyrkúıek 2021 11:43

QARAǴANDY. QazAqparat – Qaraǵandy oblysyndaǵy Osakarov aýdany ákiminiń granttary óz isin jańa bastaǵan kásipkerlerge tabys etildi. Olardy baıqaýdyń 13 jeńimpazy ıelendi, dep habarlaıdy QazAqparat tilshisi.

Bıyl aýdanda jastar kásipkerligin qoldaýǵa 8 mln teńge bólindi. Baıqaýǵa 19 ótinim kelip tústi. Komıssııa 13 jobany tańdady. Olardy júzege asyrýǵa 300 myńnan 1 mıllıon teńgege deıingi granttar berildi.

Jastardyń bıznes-bastamalaryn iske asyrýdyń arqasynda Osakarov aýdanynda akkýmýlıatorlardy jóndeý tsehy, kondıterlik, donerlik, kompıýterlik klýb, barbershop, shashtaraz, jylyjaı, trotýar tósemderin óndiretin kásiporyn, qus fermasy jáne zamanaýı avtojýý paıda bolady. Jumys istep turǵan bıznesti damytýǵa da aqsha bólindi.

«Men baıqaýǵa ekinshi jyl qatysyp kelemin. Ótken jyly shlakoblok shyǵarý tsehynyń bıznes-josparyn usynyp, 1 mıllıon teńge utyp aldym. Qazir bul tseh tabysty jumys isteýde. Bıyl osy isti damytýǵa ótinim berip, trotýar tósemderin óndirý jobasyn usyndym. Grant aldym, jańa tsehqa eki adamdy jumysqa ornalastyra alamyn», - dedi jas kásipker Mıhaıl Makarov.




Aýdan ákimi Núrken Kóbjanovtyń aıtýynsha, kelesi jyly jastar kásipkerligin qoldaýǵa arnalǵan qarajatty ulǵaıtý josparlanýda.

«Biz árbir jobany tabysty iske asyrýǵa múddelimiz. Óıtkeni, bul jańa jumys oryndaryn ashýǵa jáne aýdannyń kásipkerlik áleýetin damytýǵa yqpal etedi», - dep atap ótti ol.











Joǵary qaraı